The news is by your side.

Advertisement

بھارتی فوج کے مظالم رمضان میں بھی نہ رک سکے،3 کشمیری نوجوان شہید

سری نگر: قابض بھارتی فورسز نے مقبوضہ کشمیر کے علاقے کلگام میں فائرنگ کر کے 3 کشمیری نوجوانوں کو شہید کردیا۔

تفصیلات کے مطابق قابض بھارتی فوج کے مظالم رمضان المبارک میں بھی نہ رک سکے، کلگام میں 3 کشمیری نوجوانوں کو فائرنگ کر کے شہید کر دیا۔

کشمیر میڈیا سرورس کے مطابق6 روز میں شہیدکشمیری نوجوانوں کی تعداد 16 ہوگئی،بھارتی فورسز نے نوجوانوں کو محاصرے کے دوران شہیدکیا،بھارتی فوج نے گھرگھر تلاشی کے دوران متعدد نوجوانوں کوگرفتار بھی کیا۔

اس سے قبل 25 اپریل کو مقبوضہ کشمیر کے ضلع پلواما کے علاقے اونتی پورہ میں بھارتی فورسز نے نام نہاد سرچ آپریشن میں گھر گھر تلاشی کے دوران 3 کشمیری نوجوانوں کو شہید کیا تھا۔

سال 2019 میں بھارتی فورسز نے 210 کشمیریوں کو شہید کیا

کشمیر میڈیا سروس کی رپورٹ کے مطابق 2019 میں بھارتی فورسز نے خواتین سمیت 210 کشمیریوں کو شہید کیا، 2 ہزار سے زائد کشمیری بھارتی فوج کے تشدد سے زخمی ہوئے جبکہ 64 خواتین کی عصمت دری کی گئی۔

کشمیرمیڈیا سروس کا کہنا ہے کہ بھارتی فوجیوں نے 249 گھروں کوتباہ کیا جبکہ پیلیٹ گن کے چھروں سے 827 کشمیریوں کی بینائی متاثر ہوئی۔

Comments

یہ بھی پڑھیں