ممبئی : بھارت کے ٹی وی چینلز پر نشر ہونے والے سنجیدہ ڈراموں میں مضحکہ خیز اور غیر حقیقی مناظر دیکھنے والوں کو ہنسنے پر مجبور کردیتے ہیں، اس کی وجہ ڈرامے کہ کہانی نہیں بلکہ وہ ڈائرکشن ہے جس پر فنکار اپنی صلاحیتوں کے جوہر دکھاتے ہیں۔
بھارتی چینلز مالکان اور ڈرامہ ہدایتکار ٹیلی ویژن ریٹنگ پوائنٹ (ٹی آر پی) حاصل کرنے کیلئے کسی بھی حد تک جاسکتے ہیں، اس بات کا بھی خیال نہیں رکھا جاتا کہ اس منظر کا حقیقت سے دور دور تک بھی کوئی تعلق ہے یا نہیں؟
ان دنوں اسی طرح کی ایک ڈرامہ سیریل ’’سسرال سمر کا‘‘ نشر کیا جارہا ہے جس کی کہانی گھریلو معاملات اور رشتوں کے نبھاؤ پر مبنی ہے،جس میں بعض مناظر ایسے ہیں جسے دیکھ کر ناظرین بے ساختہ ہنسے بنا نہیں رہ پائیں گے۔
اس ڈرامے کی مقبولیت صرف ناظرین تک ہی نہیں ہے بلکہ سوشل میڈیا پر اس کے کچھ مناظر پر مزاحیہ میمز بھی بنائی جارہی ہیں، جسے بے حد پسند کیا جارہا ہے اور صارفین دلچسپ کمنٹس بھی کررہے ہیں۔
https://twitter.com/NoConViolence/status/1355003815112695808?ref_src=twsrc%5Etfw%7Ctwcamp%5Etweetembed%7Ctwterm%5E1355003815112695808%7Ctwgr%5E%7Ctwcon%5Es1_c10&ref_url=https%3A%2F%2Fwww.indiatimes.com%2Ftrending%2Fwtf%2Fsasural-simar-ka-viral-video-533288.html
اس ڈرامے کے ایک سین میں خاندان کی سربراہ ماتا جی جو کسی بات پر اپنی پوتی سے ناراض ہیں، منہ پھیر کر اپنی ناراضگی کا اظہار کرتے ہوئے اسے ڈانٹ رہی ہیں اور پوتی اپنی دادی سے ان کا دوپٹہ پکڑ کر معافیاں مانگ رہی ہے۔،
اچانک ماتاجی کا دوپٹہ پوتی کے گلے میں پتہ نہیں کس طرح پھنس جاتا ہے اور وہ دم گھٹنے سے بے ہوش ہوجاتی ہے لیکن ماتاجی مڑ کر بھی دیکھنا گوارا نہیں کرتیں کہ ان کی پوتی بولتے بولتے خاموش کیوں ہوگئی؟ اس کے بعد وہ خاموشی سے باہر چلی جاتی ہیں۔
اس ڈرامے کا یہ کلپ سوشل میڈیا پر بہت وائرل ہوا جس میں ایسی حماقت دیکھ کر لوگ اپنی ہنسی نہ روک پائے، سنجیدہ ڈراموں میں اس طرح کے مزاحیہ مناظر دیگر ممالک میں ہی نہیں بلکہ خود بھارت کے ناظرین بھی اس کو تنقید کا نشانہ بناتے ہیں۔
This one is more interesting 😂😂😂
— AHMAD // SENSIBLE¹⁸ (@AhmadFahad_18) January 30, 2021
اس سے قبل اسی ڈرامے کے ایک اور سین میں کچھ ایسی ہی حماقت کا مظاہرہ کیا گیا گیا تھا کہ جس میں ان ہی ماتا جی نے ایک عورت کو اتنی زور سے تھپڑ مارا کہ وہ بے چاری دور جاگری اور کسی جادوئی طریقے سے دروازے پر لگا پردہ اس کے گلے کا پھندا بن گیا۔
یہی نہیں وہاں موجود دیگر کردار جس مں مرد بھی شامل تھے حیرت سے منہ کھولے کھڑے یہ تماشا دیکھتے رہے اور کافی دیر بعد ان کو گلے سے پھندا نکالنے کا خیال آیا۔
