site
stats
اہم ترین

بھارت کی بلا اشتعال فائرنگ، پاک فوج کی جوابی کارروائی، 5 بھارتی فوجی ہلاک

راولپنڈی : ڈی جی آئی ایس پی آر نے کہا ہے کہ بھارت نے لائن آف کنٹرول پر سیز فائر کی خلاف ورزی کرتے ہوئے تتہ پانی سیکٹر پر بلا اشتعال فائر کی، پاک فوج کی جوابی کارروائی میں 5 بھارتی فوجی مارے گئے۔

ڈی جی آئی ایس پی آر میجر جنرل آصف غفور نے سماجی رابطے کی ویب سائٹ ٹوئٹر میں اپنے ایک پیغام میں کہا ہے کہ  بھارتی فوج کی جانب سے ایک مرتبہ پھر سیز فائر کی خلاف ورزی کی گئی ہے اور  تتہ پانی سیکٹر پربلا اشتعال فائرنگ کی گئی۔

پاک فوج کی جاب سے منہ توڑ کارروائی میں امن دشمن بھارت کو بھاری نقصان اٹھانا پڑا بھارتی بنکرز تباہ کردیئے گئے جس کے دوران 5 بھارتی فوجی مارے گئے جب کہ متعدد فوجی زخمی ہوگئے ہیں۔

خیال رہے بھارت لائن آف کنٹرول پر سیز فائر کی مسلسل خلاف ورزی کرتا آیا ہے جس پر پاکستان نے عالمی سطح پر یہ معاملہ اُٹھایا اور اقوام متحدہ کے فوجی مبصرین کے گروپ نے پاکستان میں سرحدی علاقوں کا دورہ بھی کیا تھا جس کے دوران بھی باوجود اس کے کہ فوجی مبصر کی گاڑی پر نیلا جھنڈا لہرا رہا تھا اسے فائرنگ کا نشانہ بنایا گیا تھا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top