نئی دہلی : وزیراعظم عمران خان کی تقریر کو بھارت کے سنجیدہ حلقوں میں سراہا گیا اور بھارت کی اہم شخصیات نے وزیراعظم عمران خان کو خراج تحسین پیش کیا جبکہ مودی کوشدید تنقید کا نشانہ بنایا گیا۔
تفصیلات کے مطابق بھارت کی اہم شخصیات نے وزیراعظم عمران خان کی تقریر کو سراہا اور خراج تحسین پیش کرتے ہوئے کہا ایکسی لینٹ پرائم منسٹر۔
مشہور مصنف اور صحافی سگاریگا گھوسے نے سماجی رابطے کی ویب سائٹ ٹوئٹر اپنے بیان میں کہا عمران خان کی تقریر ایک اسٹیٹسمین کی طرح تھی۔
پروفیسراشوک سویم نے اپنے ٹوئٹ میں لکھا ایک لیڈر کا طرز عمل ایسا ہی ہوتا ہے، وہ نہیں جومودی کا ہے، خوشی ہے پاکستان قیدی پائلٹ سےاچھا سلوک کررہا ہے، عالمی سطح پر پاکستان کے موقف کو پذیرائی مل رہی ہے جبکہ مودی کواحمقانہ شکست کا سامنا ہے۔
Good to see that Pakistan is treating captured Indian pilot well. Pakistan is certainly winning the perception war internationally. Modi has stupidly forfeited the ‘Pulwama’ advantage. https://t.co/T4LhRceQfm
— Ashok Swain (@ashoswai) February 27, 2019
فلم میکر رام سمبرامانیان نے کہا شکریہ عمران خان، بھارت میں آپ نے کرکٹ کے دور سے زیادہ پرستار پیدا کرلیے، امید ہے نریندرمودی بھی جواب دے گا۔
Agree https://t.co/zagGtYR4IZ
— Ram Subramanian (@VORdotcom) February 28, 2019
مصنفہ سنجکتا باسو نےٹویٹ کیا مسٹر مودی آپ نے کچھ حاصل نہیں کیا، ہمارا پائلٹ قیدی بن گیا، حکومت کے بقیہ دنوں میں قیدی پائلٹ کو واپس لاکر چانس لےسکتے ہیں۔
You achieved nothing Mr Modi. Now only if you can #BringBackAbhinandan in the remaining days of your term, you may still have a chance. https://t.co/W1zH3SMwwR
— Sanjukta Basu (@sanjukta) February 27, 2019
صحافی اور مصنف بھوپینڈرا چاوبے نےمودی کومخاطب کرکے ٹویٹ کیا ہم نے حملہ کیا، پاکستان نے ہم پر کیا، اب ہمارا پائلٹ پاکستان کی تحول میں ہے، اس جنگ سے ہمیں کیا ملا؟ کیا اس سے دہشت گرد ختم ہوگئے، اگر نہیں تو اس سے آگے کیا ہوگا؟
So we did air strikes, then pakistan came to hit us and now one of our pilots with pakistan. Fundamental question : Have these events “crushed “ terror? If not, then where do we go from here ? @narendramodi @ImranKhanPTI
— bhupendra chaubey (@bhupendrachaube) February 27, 2019
گذشتہ روز پاک بھارت کشیدہ صورتحال پر وزیراعظم عمران خان نے بھارت کوایک بار پھر مذاکرات کی پیشکش کرتے ہوئے کہا تھا جنگ کسی بھی مسئلےکاحل نہیں، بیٹھ کربات چیت سےمسائل حل کرنے چاہئیں۔
مزید پڑھیں : وزیراعظم عمران خان کی بھارت کوایک بار پھر مذاکرات کی پیشکش
وزیراعظم کا کہنا تھا کہ جارحیت کی توجواب دیناہماری مجبوری ہوگی، ، یہ کسی کواجازت نہیں کہ وکیل اورجج وہ خودبن جائے، بھارت کواسی لیے کہا ہمیں اپنےدفاع میں جوابی کارروائی کرناہوگی۔
ان کا کہنا تھا کہ کل اس لیےایکشن نہیں لیاکہ ہمیں نقصان کااندازہ نہیں تھا، ہم ایکشن لےکربھارت کانقصان کرسکتےتھے، آج ہم نےجوابی کارروائی کی،کوئی جانی نقصان نہیں کیا، بھارت کوپیغام دیاکہ آپ دراندازی کرسکتےہیں توہم بھی کرسکتےہیں۔
یاد رہے پاکستان کی جانب سے سرحدی حدود کی خلاف ورزی 2 بھارتی طیارے مار گرائے تھے، ڈی جی آئی ایس پی آر کا کہنا تھا کہ ایک بھارتی طیارہ آزاد کشمیر جبکہ دوسرامقبوضہ کشمیرکی حدودمیں گرا، زمین پر موجود افواج نے 2 بھارتی پائلٹ کو حراست میں لے لیا تھا۔