site
stats
پاکستان

بھارتی ہائی کمشنر دفتر خارجہ طلب، بھارتی فائرنگ سے خاتون کی شہادت پر احتجاج

اسلام آباد: پاکستان کی جانب سے بھارتی ڈپٹی ہائی کمشنر کو دفتر خارجہ طلب کیا گیا جہاں ان سے لائن آف کنٹرول پر بھارتی فائرنگ سے خاتون کی شہادت پر احتجاج کیا گیا۔

تفصیلات کے مطابق بھارتی ڈپٹی ہائی کمشنر جے پی سنگھ کو دفتر خارجہ طلب کیا۔ اس موقع پر پاکستان نے لائن آف کنٹرول پر بھارتی فوج کی فائرنگ سے خاتون کی شہادت پر سخت احتجاج کیا۔

ڈی جی جنوبی ایشیا ڈاکٹر فیصل نے بھارتی ڈپٹی ہائی کمشنر کو احتجاجی مراسلہ بھی دیا۔

یاد رہے کہ 7 اگست کو بھارتی فوج نے کھوئی رٹہ اور کیرالہ سیکٹر پر معصوم شہریوں کو اپنی فائرنگ کا نشانہ بنایا تھا۔

فائرنگ کے نتیجے میں ایک خاتون موقع پر دم توڑ گئیں جبکہ ایک اور خاتون زخمی ہوگئی تھیں۔

پاک فوج کے شعبہ تعلقات عامہ آئی ایس پی آر کے مطابق پاک فوج نے بھارتی اشتعال انگیزی کا منہ توڑ جواب دیتے بھارتی چیک پوسٹوں کو نشانہ بنایا جس کے بعد بھارتی توپیں خاموش ہوگئیں۔


Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top