سڈنی : بھارت میں کسان برادری کے احتجاج میں روز بروز شدت آتی جارہی ہے، جس کا دائرہ آسٹریلیا میں کھیل کے میدان تک بھی آگیا ہے، سڈنی کرکٹ گراؤنڈ میں ایک تماشائی لڑکی نے زوردار آواز میں ویرات کوہلی سے کسان تحریک کی حمایت کرنے کی اپیل کی۔
ہندوستان میں کسانوں کے احتجاج نے نہ صرف پورے ملک بلکہ بین الاقوامی سطح پر بھی توجہ مبذول اور حمایت حاصل کرلی ہے۔ یہاں تک کہ اس میں بھارت کے سب سے مشہور اولمپین اور قومی کھیلوں میں ایوارڈ یافتہ کھلاڑی بھی احتجاج میں شامل ہوئے۔
ان میں سے کچھ نے تو اپنے قومی ایوارڈ واپس کرنے کی دھمکی بھی دی ہے، گزشتہ روز 8دسمبر کو ہندوستان کے کرکٹر کنگز الیون پنجاب کے مندیپ سنگھ بھی دہلی کی سڑکوں پر ہونے والے مظاہرے میں شریک ہوئے۔
A strong voice for support farmers from the cricket ground.
Well done sister!💪
She called Virat Kohli “”Virat support farmers””.#कल_भारत_बंद_रहेगा#bharathbandh @sushant_says @ReallySwara @_sayema @RanaAyyub @IamOnir @RoflGandhi_ @deepsealioness @IncKinju @Ssaniya_ pic.twitter.com/aPbfZ3WenR
— Mansoor Azad منصور آزاد (@MansoorAzad) December 7, 2020
غیر ملکی خبر رساں ادارے کے مطابق اس حوالے سے سماجی رابطے کی ویب سائٹ ٹوئٹر پر ایک ویڈیو وائرل ہورہی ہے، ویڈیو میں دیکھا جاسکتا ہے کہ سڈنی کرکٹ گراؤنڈ میں ایک مداح لڑکی بھارتی کپتان ویرات کوہلی سے چیخ چیخ کر کسانوں کے حق میں بات کرنے کا کہہ رہی ہے۔
اس موقع پر اس نے کسانوں کے حق میں نعرے بازی بھی کی، تاہم یہ واضح نہیں ہے کہ ویرات کوہلی اس مداح کی بات کو اتنی دور سے پوری طرح سے سننے کے قابل تھے یا نہیں لیکن کوہلی کو چیخ کر اپیل کرنے والی اس خاتون کی ویڈیو سوشل میڈیا پر وائرل ہو رہی ہے۔
دوسری جانب ارجنا ایوارڈ جیتنے والے اور بھارت کے سابق باسکٹ بال کے کھلاڑی سجن سنگھ چیمہ بھی وطن واپس آئے ہیں اور وہ احتجاج کرنے والے کسانوں کی حمایت میں ایوارڈ واپسی مہم میں شریک ہیں۔ اطلاعات کے مطابق چیمہ30 سابق اولمپک اور براعظم میڈل جیتنے والوں کی حمایت حاصل کرنے میں بھی کامیاب ہوگئے ہیں۔
پنجاب باکسنگ کے مایہ ناز سابق باکسر جے پال سنگھ ، کور سنگھ ، اور گربکس سنگھ سندھو نے بھی کہا کہ وہ بھی احتجاجاً اپنے ایوارڈ واپس کردیں گے۔
