The news is by your side.

کشمیری آج بھارتی یومِ آزادی کو یومِ سیاہ کے طور پر منائیں گے

سرینگر: کشمیری آج بھارتی یومِ آزادی کو یومِ سیاہ کے طور پر منائیں گے۔

اے آروائی نیوز براہِ راست دیکھیں live.arynews.tv پر

تفصیلات کے مطابق بھارت کے یوم آزادی کو آج لائن آف کنٹرول کے دونوں جانب کشمیری یوم سیاہ کے طور پر منائیں گے۔

حریت قیادت کی کال پر وادی میں مکمل ہڑتال ہوگی، وادی بھر میں جگہ جگہ پوسٹرز لگا دیے گئے، جن پر بھارت کے خلاف نعرے درج ہیں۔

بہادر کشمیری قابض بھارتی فوجیوں کو خاطر میں نہ لائے، ریاستی دہشت گردی کے باجود کشمیری بھارتی قابض فوج کی جانب سے انسانی حقوق کی سنگین خلاف ورزیوں کے خلاف احتجاجی ریلیاں نکالیں گے۔

مقبوضہ کشمیر میں بھی کئی مقامات پر پاکستانی پرچم لہرائے گئے

وزیر اعظم آزاد کشمیر سردار تنویر الیاس کہتے ہیں کشمیری بھارت کے یوم آزادی کو اس وقت تک یوم سیاہ کے طور پر مناتے رہیں گے جب تک کہ انھیں حقیقی آزادی کا حق نہیں مل جاتا۔

یاد رہے کہ گزشتہ روز مقبوضہ جموں و کشمیر میں کشمیری عوام نے پاکستان کا یوم آزادی انتہائی جوش و خروش، عقیدت اور احترام کے ساتھ منایا۔

لوگوں نے سرینگر، بارہمولہ، بڈگام، شوپیاں، پلوامہ، اسلام آباد، کولگام اور خطہ جموں کے کئی علاقوں میں 14 اگست کی آدھی رات کو پاکستان سے محبت کے اظہار میں پاکستانی پرچم لہرائے۔

Comments

یہ بھی پڑھیں