The news is by your side.

Advertisement

بھارت کی او آئی سی میں ناکامی، کانگریس رہنماء مودی پر برس پڑے

نئی دہلی: کانگریس کے رہنما منیش تیواری بھارتی حکومت پر برس پڑے، او آئی سی میں ناکامی پر مودی کو آئینہ دکھا دیا۔

تفصیلات کے مطابق بھارت کے او آئی سی اجلاس میں جاکر سفارتی میدان میں ناکامی اور بھارت کو دہشت گرد ریاست قرار دیے جانے پر کانگریس کے رہنماء منیش تیواری نے نریندر مودی پر لفظی گولہ باری کردی۔

منیش تیواری کا کہنا تھا کہ ابوظہبی میں ہوئی اسلامک کانفرنس سمٹ بھارت کے لیے اور اس کے ہر شہری کے لیے انتہائی پریشان کن ہے۔

انہوں نے نئی دلی میں پریس کانفرنس سے خطاب کرتے ہوئے کہا کہ او آئی سی نے ایک قرارداد منظور کی ہے جس میں مقبوضہ کشمیر میں بھارتی تشدد کی حالیہ لہر کی شدید الفاظ میں مذمت کی گئی ہے۔

رہنما کانگریس نے وزیراعظم نریندر مودی اور وزیر خارجہ سے سوال کیا کہ کیا یہ ہی آپ کی سفارتی کامیابی ہے کہ آپ نے بھارت پر دہشت گرد ریاست کا لیبل لگوادیا۔ کیا یہ ہی آپ کا سب سے بڑا سفارتی کارنامہ ہے؟

مجھے غدار کہنے والے عقل سے پیدل اور جنگی جنون میں‌ مبتلا ہیں، سابق بھارتی جج

دوسری جانب بھارتی وزیرِ اعظم کی پاکستان کے ساتھ کشیدگی بڑھانے کی کوششوں کے بر عکس کانگریس کے سینئر رہنما چدمبرم نے مودی سرکار کو پاکستان سے مذاکرات کا مشورہ دے دیا ہے۔

سابق وزیرِ خزانہ پی چِدمبرم نے نریندر سنگھ مودی کو مشورہ دیا ہے کہ وہ پاکستان کے ساتھ کشیدگی بڑھانے کی بہ جائے مذاکرات کریں۔

Comments

comments

یہ بھی پڑھیں