نئی دہلی: بھارتی سپریم کورٹ نے پنجاب کانگریس کے سابق صدر اور سابق کرکٹر نوجوت سنگھ سدھو کو قید کی سزا سنادی۔
بھارتی میڈیا رپورٹ کے مطابق سدھو نے انیس سو اٹھاسی میں بھارتی پنجاب میں سڑک پر جھگڑے کے دوران ایک شخص کو اپنے دوست کے ساتھ مل کر تشدد کا نشانہ بنایا تھا،جس کے بعد اس کی موت ہوگئی تھی۔
رپورٹ کے مطابق یہ واقعہ پیش آیا اس وقت نوجوت سنگھ سدھو بھارتی کرکٹ ٹیم کا حصہ تھے جس پر بھارتی سپریم کورٹ نے نوجوت سنگھ سدھو کو ایک ہزار روپے جرمانے کے ساتھ چھوڑ دیا تھا۔
یہ بھی پڑھیں: الیکشن ہارنے پر سدھو حیران، ارچنا نوکری کیلئے پریشان
بعد ازاں ستمبر دوہزار اٹھارہ میں بھارتی سپریم کورٹ نے مرنے والے شہری کے اہل خانہ کی جانب سے دائر نظرثانی کی درخواست پر سدھو کو نوٹس جاری کیا تھا۔
Will submit to the majesty of law ….
— Navjot Singh Sidhu (@sherryontopp) May 19, 2022
بھارتی سپریم کورٹ کے فیصلے کے بعد نوجوت سنگھ سدھو کا ٹوئٹ سامنے آیا ہے، جس میں انہوں نے لکھا کہ قانون کی بالادستی کے سامنے سر تسلیم خم کریں گے۔
