The news is by your side.

Advertisement

سابق وزیراعظم یوسف رضا گیلانی پر آج بھی فرد جرم عائد نہ ہوسکی

اسلام آباد: اشتہارات کے غیرقانونی ٹھیکوں سے متعلق کیس میں سابق وزیراعظم یوسف رضا گیلانی پر آج بھی فرد جرم عائد نہیں ہوسکی۔

تفصیلات کے مطابق وفاقی دارالحکومت اسلام آباد کی احتساب عدالت میں یوسف رضا گیلانی کے خلاف اشتہارات کے غیرقانونی ٹھیکوں سے متعلق سماعت ہوئی۔ سابق وزیراعظم یوسف رضا گیلانی عدالت میں پیش نہ ہوئے۔

معزز جج طاہر محمود نے ریمارکس دیے کہ آج فرد جرم عائد کرنے کے لیےتاریخ مقرر ہے، سارے ملزمان حاضر ہیں جس پر وکیل نیب نے کہا کہ یوسف رضا گیلانی کومستقل استثنیٰ عدالت نے دیا ہے۔

احتساب عدالت نے یوسف رضا گیلانی سمیت دیگر ملزمان پر فرد جرم عائد کرنے کے لیے 27 اگست کی نئی تاریخ مقرر کردی۔

یاد رہے قومی احتساب بیورو (نیب) نے سابق وزیر اعظم یوسف رضا گیلانی کے خلاف اپنے دور اقتدار میں اختیارات کے غلط استعمال کا ریفرنس درج کیا تھا۔

نیب حکام کا کہنا تھا کہ یوسف رضا گیلانی نے یو ایس ایف (یونیورسل سروس فنڈ) سے تشہیری مہم چلانے کی ہدایت کی، سابق سیکریٹری آئی ٹی فاروق اعوان نے اختیارات کا ناجائز استعمال کرتے ہوئے تشہری مہم چلائی، ملزمان کے اقدام سے قومی خزانے کو 12 کروڑ روپے کا نقصان اُٹھانا پڑا۔

قومی احتساب بیورو کی جانب سے جاری کردہ نوٹیفکیشن کے مطابق سابق انفارمیشن سیکریٹری فاروق اعوان، سابق پبلک انفارمیشن آفیسر سلیم، حسن شیخو، حنیف اور ریاض پر بھی سابق وزیرِ اعظم کا ساتھ دینے کا الزام ہے۔

Comments

comments

یہ بھی پڑھیں