جکارتہ : انڈونیشیا میں ایک اور وزیر کو بدعنوانی کے الزام میں حراست میں لے لیا گیا اس سے قبل پانچ وزراء بھی ہیں جن کیخلاف کرپشن کے الزامات کی تحقیقات جاری ہیں۔
تفصیلات کے مطابق انڈونیشیا کے سابق وزیر زراعت سہرال یاسین لیمپو کو ملک کے انسداد بدعنوانی کمیشن نے گرفتار کرلیا گیا ہے۔
غیرملکی نشریاتی ادارے کی رپورٹ کے مطابق انڈونیشیا میں بدعنوانی کے خاتمے کے کمیشن (کے پی کے) کے ترجمان علی فکری نے میڈیا کو بتایا کہ سہرال یاسین لیمپو اپنے اوپر لگائے گئے الزامات کی وجہ سے گزشتہ ہفتے وزارت سے استعفیٰ دے دیا تھا اور کے پی کے نے بدھ کو انہیں باضابطہ طور پر مشتبہ نامزد کیا تھا۔
انہوں نے بتایا کہ کمیشن نے انھیں اس خدشے کی وجہ سے حراست میں لیا کہ وہ فرار ہو جائیں گے یا ثبوت مٹا دیں گے۔ واضح رہے کہ سہرال یاسین لیمپو چھٹے وزیر ہیں جن کے خلاف 2014میں صدر جوکو ویدوڈو نے عہدہ سنبھالنے کے بعد بدعنوانی کی تحقیقات کی ہیں۔
