جکارتہ: انڈونیشیا میں تباہ کن لینڈسلائیڈنگ کے نتیجے میں پورا گاؤں مٹی تلے دفن ہوگیا۔
غیرملکی خبررساں ادارے کی رپورٹ کے مطابق انڈونیشیا میں لینڈسلائیڈنگ کے نتیجے میں 8 افراد جاں بحق اور 80 سے زائد لاپتا ہوگئے۔
مغربی جاوا کے علاقے بندونگ میں شدید بارشوں کے بعد لینڈسلائیڈنگ ہوئی، مٹی کے تودے نشیبی علاقے کی بستی پر آگرے، امدادی ٹیمیں لاپتہ افراد کی تلاش میں مصروف ہیں۔
حکام نے شہریوں کو نشیبی علاقوں سےدوررہنے کی ہدایت جاری کردی ہے۔
سرکاری اعداد و شمار کے مطابق گزشتہ سال کے اواخر میں سیلاب اور لینڈ سلائیڈنگ کے بعد یہ آفت آئی جس میں انڈونیشیا کے سماٹرا جزیرے میں تقریباً 1200 افراد ہلاک اور 240000 سے زیادہ بے گھر ہوئے۔
ماہرین ماحولیات اور ماہرین نے سیلاب اور لینڈ سلائیڈنگ میں جنگلات کے نقصان کے کردار کی طرف اشارہ کیا ہے۔
ویسٹ بانڈنگ کے میئر جیجے رچی اسماعیل نے صحافیوں کو بتایا کہ فوج، پولیس اور رضاکار لاپتہ افراد کی تلاش میں مدد کر رہے ہیں۔
تاہم انہوں نے خبردار کیا کہ یہ خطہ انتہائی دشوار گزار ہے اور زمین غیر مستحکم ہے۔
مقامی سرچ اینڈ ریسکیو ایجنسی نے کہا کہ کھدائی کر رہے ہیں اور متاثرین کی تلاش کے لیے ڈرون کا استعمال کر رہی ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں