انڈونیشیا، مراکش، کوسوو سمیت 5 ممالک غزہ پلان کے تحت فوج بھیجیں گے۔
انڈونیشیا، مراکش، قازقستان، کوسوو اور البانیہ نے غزہ میں فوج بھیجنے کا وعدہ کیا ہے، یہ بات ایک نئی تشکیل شدہ انٹرنیشنل سٹیبلائزیشن فورس (ISF) کے کمانڈر نے امریکی صدر ڈونلڈ ٹرمپ کے نام نہاد بورڈ آف پیس کے اجلاس کے دوران کہی۔
امریکی فوج کے جنرل جیسپر جیفرز، جنہیں ٹرمپ کے بورڈ کی جانب سے مستقبل میں غزہ اسٹیبلائزیشن فورس کا سربراہ مقرر کیا گیا ہے، نے کہا کہ مشن میں شامل انڈونیشیا کے دستے نے "ڈپٹی کمانڈر کا عہدہ قبول کر لیا ہے”۔
جیفرز نے واشنگٹن ڈی سی میں بورڈ کی میٹنگ کے دوران کہا کہ "ن پہلے اقدامات کے ساتھ، ہم غزہ کو درکار سیکیورٹی لانے میں مدد کریں گے۔
ترکیہ نے غزہ میں فوج بھیجنے پر آمادگی کا اظہار کرتے ہوئے جنگ بندی کی خلاف ورزیوں کی مذمت کی ہے۔
ترکیہ کے وزیر خارجہ ہاکان فیدان نے کہا ہے کہ انقرہ غزہ میں فوج بھیجنے کے لیے تیار ہے۔ انہوں نے کہا کہ "ہم صحت اور تعلیم کے شعبوں کی بحالی کے ساتھ ساتھ پولیس فورس کی تربیت میں بھی بامعنی کردار ادا کر سکتے ہیں۔ اس کے علاوہ، ہم بین الاقوامی اسٹیبلائزیشن فورس کو دستے فراہم کرنے کے لیے تیار ہیں۔”
اسرائیلی وزیراعظم بنجمن نیتن یاہو نے ترکیہ کی جانب سے غزہ میں فوج بھیجنے کی واضح طور پر مخالفت کی ہے۔
US Major General Jasper Jeffers said the Gaza “International Stabilization Force” will first deploy to Rafah and hopes to eventually have 20,000 soldiers.
Indonesia, which has pledged 8,000 troops, will serve as deputy commander of the force. pic.twitter.com/XoScEF4l3x
— Al Jazeera English (@AJEnglish) February 19, 2026
اس سے قبل انڈونیشیا کہہ چکا ہے کہ وہ غزہ میں 8000 فوجی بھیج سکتا ہے۔
صدر پرابوو سوبیانتو کے ترجمان کے مطابق غزہ کے لیے ایک مجوزہ کثیر القومی امن فوج کل 20,000 فوجیوں پر مشتمل ہو سکتی ہے اور انڈونیشیا کا اندازہ ہے کہ وہ 8,000 فوجی بھیج سکتا ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں