اسلام آباد (10 دسمبر 2025): انڈونیشیا کے صدر پرابوو وسوبیانتو کا دورہ پاکستان مکمل ہو گیا اور وہ اپنے وطن واپس روانہ ہو گئے ہیں۔
اے آر وائی نیوز کے مطابق انڈونیشیا کے صدر پرابوو وسوبیانتو کا دورہ پاکستان مکمل ہو گیا اور وہ اپنے وطن واپس روانہ ہو گئے ہیں۔ وزیراعظم کے معاون خصوصی برائے صنعت و پیداوار ہارون اختر نے معزز مہمان کو الوداع کیا۔
انڈونیشین صدر نے دورہ پاکستان کے دوران صدر مملکت آصف علی زرداری، وزیراعظم شہباز شریف اور فیلڈ مارشل سید عاصم منیر سے ملاقاتیں کیں۔
اس دورے کے دوران صدر پرابوو وسوبیانتو کو صدر مملکت آصف علی زرداری نے سول اعزاز نشان پاکستان سے بھی نوازا۔
انڈونیشیا کے صدرنے دورہ پاکستان کے دوران تجارت، دفاع اور ٹیکنالوجی میں تعاون بڑھانے پراتفاق کیا جب کہ اس موقع پر مختلف معاہدوں اور ایم او یوز پر دستخط بھی ہوئے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں