The news is by your side.

Advertisement

حکومت کے ایس او پیز پر عمل نہ کرنے والی انڈسٹری کو فوری بند کر دیا جائےگا،عثمان ڈار

اسلام آباد: وزیراعظم کے معاون خصوصی عثمان ڈار کا کہنا ہے کہ حکومت کے ایس او پیز پر عمل نہ کرنے والی انڈسٹری کو فوری بند کر دیا جائےگا۔

تفصیلات کے مطابق چیئرمین پرائم منسٹر یوتھ پروگرام عثمان ڈار کی صدورچیمبر آف کامرس سے ملاقات ہوئی جس میں ایکسپورٹ اور لاک ڈاؤن کی صورت حال پر تبادلہ خیال کیا گیا۔

اس موقع پر عثمان ڈار کا کہنا تھا کہ وزیراعظم تمام فیصلے غریب عوام کو مدنظر رکھتے ہوئے کررہے ہیں،معیشت کا دارومدار ایکسپورٹ، اوورسیز پاکستانیوں کے پیسے بھیجنے پر ہے۔

چیئرمین پرائم منسٹر یوتھ پروگرام نے کہا کہ کرونا کے باعث ایکسپورٹ،بیرون ملک مقیم پاکستانی دونوں متاثر ہیں،ایس او پیز کے تحت ایکسپورٹ انڈسٹری کھولنےکی اجازت دی جائےگی۔

وزیراعظم کے معاون خصوصی کا کہنا تھا کہ اپریل سے جون تک آرڈر کی ایکسپورٹ یقینی بنانے والے انڈسٹری کھول سکیں گے،حکومت کےایس اوپیزپرعمل نہ کرنے والی انڈسٹری کو فوری بند کر دیا جائےگا۔

وزیراعظم کا لاک ڈاؤن میں مزید 2 ہفتے توسیع کا اعلان

واضح رہے کہ قومی رابطہ کمیٹی اجلاس کے بعد میڈیا سے گفتگو کرتے ہوئے وزیراعظم عمران خان نے کرونا وائرس کے باعث ملک بھر میں جاری لاک ڈاؤن میں مزید دو ہفتے کی توسیع کا اعلان کیا ہے۔

Comments

یہ بھی پڑھیں