تیسرا ٹیسٹ: بھارت نے انگلینڈ کو 203 رنز سے شکست دے دی indveng
The news is by your side.

Advertisement

تیسرا ٹیسٹ: بھارت نے انگلینڈ کو 203 رنز سے شکست دے دی

ناٹنگھم: بھارت نے تیسرے ٹیسٹ میچ میں انگلینڈ کو 203 رنز سے شکست دے دی، بھارتی کپتان ویرات کوہلی کو میچ کا بہترین کھلاڑی قرار دیا گیا۔

تفصیلات کے مطابق ناٹنگھم میں کھیلے جانے والے تیسرے ٹیسٹ میچ میں بھارت نے انگلینڈ کو 203 رنز کے بھاری مارجن سے شکست دے دی، پانچ میچوں کی سیریز میں انگلینڈ کو 2-1 کی برتری حاصل ہے۔

بھارت نے اپنی پہلی اننگز میں 397 رنز بنائے، کپتان ویرات کوہلی نے شاندار 97 رنز کی اننگز کھیلی، اجنکیا رہانے نے بھی 81 رنز بنائے، انگلینڈ کے جیمز اینڈرسن اور اسٹیورٹ براڈ نے تین، تین کھلاڑیوں کو پویلین کی راہ دکھائی۔

انگلش ٹیم اپنی پہلی اننگز میں ہردیک پانڈیا کی شاندار بالنگ کی بدولت بے بس نظر آئی اور پوری ٹیم 161 رنز پر ڈھیر ہوگئی، بٹلر 39 رنز بنا کر نمایاں رہے، پانڈیا نے 5 وکٹیں حاصل کیں اور ایشانت شرما نے 2 کھلاڑیوں کو پویلین کی راہ دکھائی۔

بھارت نے دوسری اننگز میں ویرات کوہلی کی شاندار سنچری کی بدولت 352 رنز 7 کھلاڑی آؤٹ پر اننگز ڈیکلیئرڈ کی اور انگلیںڈ کو فاتح کے لیے 521 رنز کا ہدف دیا۔

میچ کے چوتھے روز انگلش ٹیم اپنی دوسری اننگز میں مشکلات سے دوچار رہی، بین اسٹوکس اور جاز بٹلر کی شاندار شراکت کے باوجود ٹیم 311 رنز پر 9 وکٹیں گنوا دیں۔

میچ کے آخری روز تیسرے ہی اوور میں ایشون نے جیمز اینڈرسن کی وکٹ لے کر بھارت کو سیریز کے پہلے میچ میں فتح سے ہمکنار کرایا۔

ویرات کوہلی کو پہلی اننگز 97 اور دوسری اننگز میں 103 رنز کی شاندار اننگز کھیلنے پر میچ کا بہترین کھلاڑی قرار دیا گیا۔

واضح رہے پانچ میچوں کی سیریز کے ابتدائی دو ٹیسٹ میچ میں انگلینڈ نے کامیابی حاصل کی تھی، سیریز کا چوتھا ٹیسٹ میچ 3 ستمبر سے ساؤتھ ہیمپٹن میں کھیلا جائے گا۔

Comments

comments

یہ بھی پڑھیں