قومی ٹیم کے سابق کپتان محمد حفیظ اور سابق بھارتی اسپنر ہربھجن سنگھ فاسٹ بولر ارش دیپ سنگھ کی حمایت میں بول پڑے۔
ایشیا کپ سپر فور مرحلے میں آصف علی کا کیچ چھوڑنے پر بھارتی نوجوان فاسٹ بولر ارش دیپ سنگھ بھارتی شائقین کے نشانے پر آگئے۔
پاکستان نے سنسنی خیز مقابلے کے بعد بھارت کو آخری اوور میں 5 وکٹوں سے شکست دے کر گروپ میچ میں ہار کا حساب برابر کردیا۔
Most satisfying moment of the day 😁😁😁😁😁#arshdeepsingh#PAKvINDpic.twitter.com/rJ1xQN89mg
— Sadia A 🇵🇰 (@DrSadiaAz) September 4, 2022
پاکستان نے بھارت کا 182 رنز کا ہدف محمد رضوان اور محمد نواز کی شاندار اننگز کی بدولت آخری اوور میں 5 وکٹوں کے نقصان پر پورا کرلیا۔
میچ کے 18ویں اوور میں پاکستانی بیٹر آصف علی کا کیچ چھوڑنے پر بھارتی بولر ارش دیپ سنگھ تنقید کی زد میں آگئے۔
بھارتی ٹرولرز کی جانب سے ارش دیپ سنگھ پر تنقید کی گئی اور کیچ چھوڑنے پر انہیں پاکستان کا حسن علی بھی کہا گیا۔
Arshdeep is the Hassan Ali of Team India!
Millions of Indian will not sleep happily tonight just because of this drop catch by #arshdeepsingh #INDvsPAK pic.twitter.com/uwWqFDcvOd
— Saurabh Singh (@100rabhsingh781) September 4, 2022
بعدازاں محمد حفیظ نے ٹوئٹر پر بیان جاری کرتے ہوئے کہا کہ ‘بھارتی ٹیم کے تمام شائقین سے میری درخواست ہے کہ کھیل میں ہم انسان ہونے کے ناطے غلطیاں کرتے ہیں براہ کرم ان غلطیوں پر کسی کی تذلیل نہ کریں’۔
My request to all Indian team fans. In sports we make mistakes as we r human. Please don’t humiliate anyone on these mistakes. @arshdeepsinghh
— Mohammad Hafeez (@MHafeez22) September 4, 2022
دوسری جانب ہربھجن سنگھ نے ٹوئٹ کرتے ہوئے کہا کہ ‘نوجوان ارش دیپ پر تنقید کرنا بند کریں،کوئی بھی جان بوجھ کر کیچ نہیں چھوڑتا ہمیں اپنے لڑکوں پر فخر ہے، پاکستان نے بہتر کھیلا، شرم آتی ہے ایسے لوگوں پر جو اس پلیٹ فارم پر ارش اور ٹیم کے بارے میں گھٹیاں باتیں کہہ کر اپنے ہی کھلاڑیوں کو نیچا دکھا رہے ہیں’۔
Stop criticising young @arshdeepsinghh No one drop the catch purposely..we are proud of our 🇮🇳 boys .. Pakistan played better.. shame on such people who r putting our own guys down by saying cheap things on this platform bout arsh and team.. Arsh is GOLD🇮🇳
— Harbhajan Turbanator (@harbhajan_singh) September 4, 2022
واضح رہے کہ ایشیا کپ سپر فور مرحلے کے اگلے میچ میں 7 ستمبر کو پاکستان اور افغانستان کی ٹیمیں مدمقابل آئیں گی جبکہ 9 ستمبر کو پاکستان کو سری لنکا کا چیلنج درپیش ہوگا جبکہ ایونٹ کا فائنل 11 ستمبر کو کھیلا جائے گا۔
