تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

کراچی: نومولود بچے کو زندہ جلانے کی کوشش

کراچی: صوبہ سندھ کے دارالحکومت کراچی میں نومولود بچے کو زندہ جلانے کی کوشش کی گئی، پولیس کا کہنا ہے کہ بچہ آدھے سے زیادہ جل چکا ہے، اسپتال میں بچے کی جان بچانے کی کوشش کی جا رہی ہے۔

تفصیلات کے مطابق کراچی کے علاقے گلشن حدید میں نومولود بچے کو زندہ جلانے کی کوشش کی گئی، اطلاع پر 15 مددگار فوراً پہنچ گئی۔

پولیس کا کہنا ہے کہ نامعلوم افراد بچے کو پھینک کر فرار ہوئے، نومولود بچہ آدھے سے زیادہ جل چکا ہے، اسے فوری طبی امداد کے لیے اسپتال منتقل کر دیا گیا ہے۔ اسپتال میں بچے کی جان بچانے کی کوشش کی جا رہی ہے۔

پولیس کے مطابق واقعے کی تحقیقات جاری ہیں، بچہ علاقے کی ایک خاتون کو پڑا ہوا ملا، انہی خاتون نے 15 کو اطلاع دی۔

پاکستان تحریک انصاف کے رکن سندھ اسمبلی خرم شیر زمان کا کہنا ہے کہ بچے کو زندہ جلانے کا واقعہ افسوسناک ہے، انسانیت کو شرمندہ کرنے والوں کو عبرت ناک سزا دی جائے۔

انہوں نے کہا کہ بچے کو فوری بہترین طبی سہولیات فراہم کرنے کا مطالبہ کرتے ہیں، حکومتی سطح پر ایسے واقعات کی روک تھام کے لیے سوشل میڈیا کا سہارا لیا جائے۔ بچوں سے ان کی زندگی کا حق چھیننے والے کسی درندے سے کم نہیں۔

خرم شرم زمان نے مزید کہا کہ سندھ حکومت چائلڈ پروٹیکشن کے قانون پر عملدر آمد کروانے میں ناکام ہوچکی ہے، معصوم بچوں پر ظلم ڈھانے والے کسی رعایت کے مستحق نہیں۔

Comments

- Advertisement -