تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

چھوٹے بچے کس طرح اغوا ہورہے ہیں، دل دہلا دینے والی ویڈیو

کیلی فورنیا: امریکہ میں نامعلوم شخص تین ماہ کے شیر خوار بچہ کو گھر سے اغواء کرکے لے گیا، دل دہلا دینے والی ویڈیو ‏سامنے آگئی۔

مذکورہ واقعہ امریکی ریاست کیلی فورنیا میں پیش آیا ہے، پولیس کی جانب سے واقعہ کی ویڈیو جاری کی گئی ہے، جس میں ‏دیکھا جاسکتا ہے کہ ایک نامعلوم شخص بچہ کو اٹھا کر لے جارہا ہے۔

پولیس کے مطابق برینڈن سیولر نامی بچہ کی دادی نے پولیس کو بچہ کی گمشدگی کی اطلاع دی، انہوں نے پولیس کو بتایا کہ وہ بچہ ‏کو کمرے میں چھوڑ کر گاڑی سے سامان اتارنے کیلئے گئی لیکن جب وہ واپس آئی تو بچہ کمرے میں موجود نہیں تھا۔

پولیس کا کہنا ہے کہ دادی نے اغواء کار کو گھر میں داخل ہوتے نہیں دیکھا، پولیس نے ایک ویڈیو کلپ بھی جاری کیا جس ‏میں دیکھا جاسکتا ہے کہ ایک شخص فٹ پاتھ پر چل رہا ہے، اور اس کے ہاتھوں میں سفید کمبل اوڑھے بچہ موجود ہے۔ ‏پولیس نے جاری بیان میں کہا کہ فیملی اغواء کار کو نہیں جانتی۔

پولیس کا کہنا ہے کہ مشتبہ گاڑی کی معلومات نہ ہونے کی وجہ سے کوئی الرٹ نہیں جاری کیا گیا، ایف بی آئی چائلڈ ‏اغواء کار ریسپانس ٹیم بھی اس معاملہ کی تحقیقات کررہی ہے اور بچہ کی تلاش کیلئے تمام وسائل کو بروئے کار لایا جارہا ‏ہے۔ پولیس کی جانب سے بچہ کو واپس کرنے پر انعام کا بھی اعلان کیا گیا ہے۔

پولیس نے ملزم کے حوالے سے تفصیلات جاری کی ہیں جس کے مطابق ملزم نے گہرے نیلے رنگ کی شرٹ اور بلیک کلر کی ‏پینٹ زیب تن کررکھی ہے، اس کے بال چھوٹے ہیں اور اس نے گرے کلر کی بیس بال ہیٹ پہن رکھی ہےاور بلیک ماسک بھی لگا رکھا ہے.

Comments

- Advertisement -