The news is by your side.

Advertisement

والدین نے لڑائی کے دوران شیر خوار کے سر میں اسکرو ڈرائیور گھونپ دیا

امریکا میں ایک شیر خوار بچہ کھوپڑی میں فریکچر کے بعد اسپتال میں داخل کرلیا گیا جسے والدین نے اپنی لڑائی کے دوران اسکرو ڈرائیور (پیچ کس) سے زخمی کر ڈالا تھا۔

یہ دلدوز واقعہ امریکی ریاست شمالی کیرولینا میں پیش آیا جہاں والدین نے اپنی لڑائی کے دوران شیر خوار کو نادانستہ طور پر شدید زخمی کردیا۔

دونوں والدین کی عمریں 21 سال ہیں جن کے درمیان کسی بات پر بحث و تکرار ہوئی، اس دوران والد نے 2 ماہ کے شیر خوار کو اپنی گود میں اٹھا رکھا تھا۔

جب بحث زیادہ بڑھی تو ماں اسکرو ڈرائیور لے کر خطرناک ارادے سے شوہر کی طرف بڑھی اور پیچ کس اسے گھونپنا چاہا تاہم نشانہ خطا ہونے سے وہ شیر خوار کے سر میں جا گھسا۔

پولیس کی فوراً آمد کے بعد بچے کو اسپتال منتقل کیا گیا جس کے سر سے خون بہہ رہا تھا، ڈاکٹرز کے مطابق اس کی کھوپڑی میں فریکچر ہوا ہے اور اسے انتہائی نگہداشت کے وارڈ یعنی آئی سی یو میں رکھا گیا ہے۔

والدین پر جان لیوا ہتھیار کے ساتھ حملے اور چائلڈ ابیوز کے الزامات عائد کیے گئے تاہم جلد ہی دونوں کو ضمانت پر رہا کردیا گیا۔

Comments

یہ بھی پڑھیں