عید الاضحیٰ کی آمد سے قبل مہنگائی کی شرح میں اضافہ -
The news is by your side.

Advertisement

عید الاضحیٰ کی آمد سے قبل مہنگائی کی شرح میں اضافہ

اسلام آباد: نئے مالی سالی کے دوسرے مہینے میں پاکستان میں مہنگائی کی شرح میں اضافہ دیکھا گیا‘ آنے والا ہفتہ عید الاضحیٰ ہے اور کسی بھی تہوار کے موقع پر قیمتوں میں اضافہ دیکھنے میں آتا ہے۔

تفصیلات کے مطابق نئے مالی سال 2017-18ء کے دوسرے ماہ ( اگست 2017ء ) کے چوتھے ہفتے کے دوران مہنگائی کی شرح میں 0.05 فیصد اضافہ ریکارڈ کیا گیا جبکہ کم آمدنی والے طبقے کے لئے قیمتوں کے حساس اشاریئے میں 0.16 فیصد اضافہ دیکھنے میں آیا ۔

پاکستان بیورو شماریات کے اعداد و شمار کے مطابق 25 اگست کو ختم ہونے والے ہفتے کے دوران ٹماٹر، آلو ،پیاز ،اری چاول، انڈے، گڑ ،مٹن ، بیف، چائے، دال مونگ ،باسمتی چاول ،ویجی ٹیبل گھی ،سمیت 15اشیائے ضروریہ کی قیمتوں میں اضافہ ہوا، ایل پی جی، زندہ مرغی ،چینی ، گندم، آٹا ،کیلے، لہسن ،سرخ مرچ ،چنے کی دال ، دال مسور ،دال ماش، مسٹرڈ آئل ،سمیت 12اشیائے ضروریہ کی قیمتوں میں کمی ریکارڈ کی گئی۔

پاکستان میں مہنگائی میں اضافے کا خدشہ ہے، عالمی بینک کا انتباہ*

 ادارہ شماریات کے مطابق پیٹرول ،ہائی سپیڈ ڈیزل، مٹی کاتیل ،بجلی کے نرخ ، تازہ دودھ ،دہی ،خوردنی تیل، ملک پاؤڈر، کپڑے، نمک ، گیس نرخ ،سمیت 26اشیائے کی قیمتوں میں استحکام رہا۔

علاوہ ازیں ادارہ شماریات کے مطابق گزشتہ ہفتہ کے مقابلے میں آٹھ ہزار تا بارہ ہزار آمدنی ، بارہ ہزار تا اٹھارہ ہزارآمدنی ، اٹھارہ ہزار تا پینتیس ہزار تک اور پینتیس ہزار روپے سے زائد آمدنی والے افراد کے گروپوں کے لیے قیمتوں کے حساس اعشاریے میں بالترتیب 0.10، 0.07 ،0.04 اور 0.01 فیصد اضافہ ریکارڈ کیا گیا ۔

یاد رہے کہ ستمبر کی دو تاریخ کو پاکستان میں عید الاضحیٰ کا تہوار مذہبی جوش و خروش منایا جائے گا اور کسی بھی تہوار کی آمد سے قبل مہنگائی کی شرح میں اضافہ عام سی بات ہوتی جارہی ہے جس سے متوسط اور غریب طبقے کو براہ راست نقصان ہوتا ہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Comments

comments

یہ بھی پڑھیں