The news is by your side.

Advertisement

مئی کا پہلا عشرہ : مہنگا ئی کی شرح میں 1.16 فیصد اضافہ

اسلام آباد : مالی سال 2018-19ء کے دسویں ماہ ( اپریل 2019ء ) کے پہلے عشرے میں مہنگائی کی شرح میں 1.16 فیصد اضافہ ریکارڈ کیا گیا، جبکہ کم آمدنی والے طبقے کے لئے قیمتوں کے حساس اشاریئے میں 1.09 فیصد اضافہ ریکار ڈ کیا گیا ۔

پاکستان بیور و شماریات کے اعداد و شمار کے مطابق دس مئی کو ختم ہونے والے ہفتے کے دوران پیٹرول ، ہائی سپیڈ ڈیزل، مٹی کاتیل ،ایل پی جی ،گندم، آٹا ،پیاز ،آلو،چینی، گڑ ،روٹی سادہ ،لہسن ،کیلے، چنے کی دال ، دال مونگ ، دال ماش، بیف،مٹن، ملک پاؤڈر،تازہ دودھ ، دھی، سرخ مرچ ،خوردنی تیل، نمک ، اری چاول ،سمیت 25 اشیائے ضروریہ کی قیمتوں میں اضافہ ہوا ۔

ٹماٹر،دال مسور، زندہ مرغی، انڈے، ویجی ٹیبل گھی ،سمیت 5اشیائے ضروریہ کی قیمتوں میں کمی ریکارڈ کی گئی، ادارہ شماریات کے مطابق گیس نرخ ، بجلی کے نرخ ،چائے، سگریٹ،مسٹرڈ آئل ،باسمتی چاول ، صابن ، سمیت 23 اشیائے کی قیمتوں میں استحکام رہا۔

ادارہ شماریات کے مطابق گزشتہ ہفتہ کے مقابلے میں آٹھ ہزار تا بارہ ہزار آمدنی ، بارہ ہزار تا اٹھارہ ہزارآمدنی ، اٹھارہ ہزار تا پینتیس ہزار تک اور پینتیس ہزار روپے سے زائد آمدنی والے افراد کے گروپوں کیلئے قیمتوں کے حساس اعشاریے میں بالترتیب 1.06، 1.08 ،1.10 اور 1.23 فیصد اضافہ ریکارڈ کیا گیا۔

Comments

comments

یہ بھی پڑھیں