The news is by your side.

Advertisement

لاہور کا شہری مہنگائی کے خلاف عدالت پہنچ گیا

لاہور: صوبہ پنجاب کے دارالحکومت لاہور کی ہائیکورٹ میں مہنگائی کے خلاف درخواست دائر کردی گئی، درخواست گزار نے عوام کو ریلیف دینے کے لیے وفاقی اور صوبائی حکومتوں کو اقدامات کرنے کی ہدایت دینے کی استدعا کی ہے۔

تفصیلات کے مطابق مہنگائی میں اضافے کے خلاف لاہور ہائیکورٹ میں درخواست داٸر کر دی گٸی، درخواست شہری منیر احمد نے دائر کی جس میں مؤقف اختیار کیا گیا کہ مہنگائی کی شرح میں تیزی سے اضافہ ہو رہا ہے اور عام ضرورت کی اشیا کی قیمتیں آسمان کو چھو رہی ہیں۔

درخواست میں کہا گیا کہ وفاقی اور صوبائی حکومتیں مہنگائی کنٹرول کرنے میں مکمل طور پر ناکام ہو چکی ہیں، مہنگائی پر قابو پانے کے لیے کوئی ٹھوس اور مؤثر اقدامات نہیں کیے جا رہے۔

درخواست گزار کا کہنا ہے کہ مہنگائی سے عام آدمی کی زندگی اجیرن ہو گئی ہے، بنیادی حقوق کے تحفظ کے لیے حکومت کو اقدامات کرنے کا حکم دیا جائے۔

درخواست میں استدعا کی گئی کہ مہنگائی کم کرنے اور عوام کو ریلیف دینے کے لیے فوری ایکشن لینے کی ہدایت بھی کی جائے۔

Comments

یہ بھی پڑھیں