خدیجہ صدیقی کی جدوجہد پر بہت خوشی ہوئی: فواد چوہدری کا ٹویٹ -
The news is by your side.

Advertisement

خدیجہ صدیقی کی جدوجہد پر بہت خوشی ہوئی: فواد چوہدری کا ٹویٹ

اسلام آباد: وفاقی وزیرِ اطلاعات فواد چوہدری نے کہا ہے کہ انھیں قانون کی طالبہ خدیجہ صدیقی کی جدوجہد پر بہت خوشی ہوئی ہے۔

تفصیلات کے مطابق فواد چوہدری نے سماجی رابطوں کی ویب سائٹ ٹویٹر پر اپنے پیغام میں اپنے حق کے لیے عدالتی جنگ لڑنے والی قانون کی طالبہ کی جدوجہد پر خوشی کا اظہار کیا ہے۔

فواد چوہدری نے انصاف کی جنگ لڑنے والی خدیجہ صدیقی کو ’دی فائٹر‘ قرار دے دیا۔

وزیرِ اطلاعات نے لکھا کہ خدیجہ صدیقی نے اپنے عزم سے پاکستانی خواتین کا سر فخر سے بلند کر دیا ہے۔

وفاقی وزیرِ اطلاعات فواد چوہدری نے انصاف کی جنگ لڑنے والی خدیجہ صدیقی کو ’دی فائٹر‘ قرار دے دیا۔

فواد چوہدری نے خدیجہ صدیقی کے وکیل حسن نیازی کے کردار کو بھی سراہا، لکھا ’مقدمے کو منطقی انجام تک پہنچانے پر حسن نیازی تعریف کے مستحق ہیں۔‘

خیال رہے کہ گزشتہ روز خدیجہ صدیقی حملہ کیس میں سپریم کورٹ نے ہائی کورٹ کا فیصلہ کالعدم قرار دیتے ہوئے ملزم شاہ حسین کو گرفتار کرنے کا حکم دیا اور 5 سال قید کی سزا کا فیصلہ بھی برقرار رکھا۔

مئی 2016 میں قانون کی طالبہ خدیجہ صدیقی پر شاہ حسین نے خنجر کے 23 وار کیے تھے، جس سے وہ شدید زخمی ہوگئی تھیں۔ جوڈیشیل مجسٹریٹ نے مجرم کو 7 سال قید کی سزا سنائی تھی۔

یہ بھی پڑھیں:  خدیجہ کیس: سپریم کورٹ کا ملزم شاہ حسین کوگرفتار کرنے کا حکم، 5سال قید کی سزا برقرار

ملزم نے مجسٹریٹ کورٹ کی سزا کے خلاف سیشن کورٹ میں اپیل دائر کی، جس نے سزا کم کر کے 5 سال کر دی، بعد ازاں لاہور ہائی کورٹ نے ملزم کو رہا کردیا، تاہم سابق چیف جسٹس میاں ثاقب نثار نے اس پر از خود نوٹس لے لیا۔

Comments

comments

یہ بھی پڑھیں