The news is by your side.

Advertisement

حکومت مقامی زبانوں کے فروغ اور حوصلہ افزائی پر یقین رکھتی ہے: وزیرِ اطلاعات

اسلام آباد: وفاقی وزیرِ اطلاعات فواد چوہدری نے کہا ہے کہ حکومت مقامی زبانوں کے فروغ اور حوصلہ افزائی پر یقین رکھتی ہے۔

تفصیلات کے مطابق ریڈیو پاکستان ملتان اسٹیشن سے بلوچی زبان میں پروگراموں کا آغاز کیا گیا ہے، فواد چوہدری نے بلوچی پروگرامز کے آغاز کا خیر مقدم کیا۔

بلوچی زبان پاکستان کے دل کش رنگوں میں سے ایک خوب صورت رنگ ہے۔

فواد چوہدری

وزیرِ اطلاعات نے کہا کہ مادری اور علاقائی زبانیں ہماری متنوع ثقافت کا حسن ہیں، مقامی زبانوں کا فروغ ریڈیو پاکستان کا ایک نہایت احسن قدم ہے۔

فواد چوہدری نے بتایا کہ وزیرِ اعلیٰ پنجاب عثمان بزدار ملتان اسٹیشن سے بلوچی پروگرامز کے اجرا کا افتتاح کریں گے۔ کہا کہ بلوچی زبان پاکستان کے دل کش رنگوں میں سے ایک خوب صورت رنگ ہے۔

وفاقی وزیرِ اطلاعات کا کہنا تھا کہ یہ پروگرامز بلوچی بولنے اور سمجھنے والوں کے لیے ریڈیو پاکستان کا ایک تحفہ ہے، مختلف زبانوں میں پروگرامز ریڈیو پاکستان کو دیگر نشریاتی اداروں سے ممتاز بناتا ہے۔


یہ بھی پڑھیں:  بلوچستان میں خشک سالی، لوگ اپنے باغات کاٹنے پر مجبور، قحط کی صورتِ حال


خیال رہے کہ بلوچستان اس وقت شدید خشک سالی کا شکار ہے، جس کے باعث لوگ اپنے باغات کاٹنے پر مجبور ہو گئے ہیں‘ مستونگ کی تحصیل دشت میں ڈھائی سو سے زائد ایکڑ اراضی پر مشتمل پھلوں کے درخت کاٹ دیے گئے ہیں۔

Comments

comments

یہ بھی پڑھیں