The news is by your side.

Advertisement

لاہور: پنجاب اسمبلی کے باہراساتذہ کا احتجاج چوتھے روز بھی جاری

لاہور: سرکاری اسکولوں کی نجکاری کےخلاف اساتذہ کااحتجاج چوتھے روزبھی جاری،جبکہ ڈپٹی سیکرٹری اسکول ایجوکیشن کہتے ہیں کچھ غلط فہمیاں ہیں نجکاری نہیں کی جارہی ہے.

تفصیلات کے مطابق صوبے کے پانچ ہزار اسکولوں کو پنجاب ایجوکیشن فاؤنڈیشن کے حوالے کرنے اور اسکولوں کی نجکاری کےخلاف مختلف اضلاع سے تعلق رکھنے والے اساتذہ پنجاب اسمبلی کے سامنے چوتھےروز بھی سراپا احتجاج ہیں.

دوسری جانب ڈپٹی سیکرٹری اسکول ایجوکیشن آصف مجید کا کہنا ہےکہ کچھ غلط فہمیاں ہیں اسکولوں کی نجکاری نہیں کی جارہی ہے.

احتجاج کرنے والےاساتذہ کا کہنا ہے اسکول این جی اوز کے حوالے نہ کیے جائیں ورنہ بچوں کا مستقبل اور انکی ملازمتیں خطرے میں پڑ جائیں گی.

اساتذہ کا کہنا ہے کہ اگر پنجاب حکومت کی ہٹ دھرمی اور آمرانہ رویہ تبدیل نہ ہوا تو رمضان المبارک میں دھرنا جاری رہے گا،اور عید کے بعد پنجاب بھر کے اساتذہ حکومت ہٹاؤ مہم کا آغاز کریں گے.

واضح رہے کہ احتجاجی اساتذہ کا کہنا ہے کہ حکمرانوں کو ڈر ہے کہ قوم کے بچے پڑھ لکھ گئے اور انہیں شعور آ گیا تو وہ ایسے حکمرانوں کو کبھی ووٹ نہیں دیں گے.

Print Friendly, PDF & Email

Comments

comments

یہ بھی پڑھیں