The news is by your side.

Advertisement

متنازع خبر: تحقیقاتی کمیٹی کا پہلا اجلاس کل ہوگا

اسلام آباد : قومی سلامتی سے متعلق متنازع خبر کے شائع ہونے کے پیچھے کرداروں کی تحقیقات کے لیے قائم تحقیقاتی کمیٹی کا پہلا اجلاس کل ہونے جا رہا ہے۔

تفصیلات کے مطابق قومی سلامتی سے متعلق متنازع خبر کو شائع کروانے کے ذمہ داروں کا تعین کرنے اور اس کے اغراض و مقاصد جاننے کے لیے وفاقی حکومت کی جانب سے قائم کی گئی انکوائری کمیٹی کا پہلا اجلاس کمیٹی کے سربراہ جسٹس ریٹائرڈ عامر رضا کی زیر صدارت ہونے جا رہا ہے۔

اسی سے متعلق : وزیر اعظم اور آرمی چیف کی ملاقات، متنازع خبر پر تبادلہ خیال

یاد رہے 7 اکتوبر 2016 کو انگریزی اخبار میں شائع ہونے والی قومی سلامتی سے متعلق متنازع خبر کا سیاسی اور عسکری قیادت نے فوری اور سخت نوٹس لیا تھا اور سیاسی و عسکری قیادت نے متفقہ طور پر متنازع خبر کو قومی سلامتی کے منافی قرار کر سازشی عناصر کو بے نقاب کرنے کا تہیہ کیا تھا۔

یہ پڑھیے : کور کمانڈر کانفرنس، متنازع خبر قومی سلامتی کے منافی قرار

شفاف تحقیقات کے لیےسب سے پہلے وفاقی وزیر اطلاعات و نشریات پرویز رشید کو عہدے سے فارغ کیا گیا جس کے بعد وفاقی حکومت کی جانب سے اس معاملے کی تفتیش کے لیے انکوائری کمیٹی کا اعلان کیاگیا تھا جس کے سربراہ جسٹس ریٹائرڈعامر ہیں جب کہ آئی ایس آئی، ایم آئی اورآئی بی کے افسران کے علاوہ کمیٹی کے ارکان میں سیکریٹری اسٹیبلشمنٹ طاہر شہباز، محتسب اعلیٰ پنجاب نجم سعید اور ڈائریکٹر ایف آئی اے ڈاکٹر عثمان انور شامل ہیں۔

مزید جانیے : متنازع خبر تحقیقاتی کمیٹی قائم، 5 افراد کو شامل تفتیش کرنے کا فیصلہ

ذرائع کے مطابق انکوائری کمیٹی پہلے مرحلے میں پانچ افراد سے انٹرویو کرے گی جس کی روشنی میں مزید افراد کو شامل تفتیش کیا جائے گا اور خبر کو شائع کروانے والے افراد کا تعین کر کے وفاقی حکومت سے مزید کارروائی کی درخواست کی جائے گی۔

Print Friendly, PDF & Email

Comments

comments

یہ بھی پڑھیں