تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

پنجاب حکومت کا معذورافراد کو20 لاکھ تک کی انشورنس دینے کا اعلان

سرگودھا:صوبائی وزیرصحت پنجاب ڈاکٹریاسمین راشد نے کہا ہے کہ پنجاب میں معذورافرادکوسہولت دینے کیلئے صحت انصاف کارڈ تقسیم کئے جائیں گے۔

تفصیلات کے مطابق ڈاکٹریاسمین راشد نے بتایا ہے کہ وزیراعلیٰ پنجاب سردارعثمان بزدارنے معذورافرادکوصحت انصاف کارڈ تقسیم کرنے کی باقاعدہ منظوری دے دی ہے۔انہوں نے کہا کہ حکومت نے متعلقہ اداروں کوپنجاب بھر کے معذورافرادکی فہرستیں تیارکرنے کی ہدایات کردی ہیں۔

ڈاکٹریاسمین راشد نے کہا کہ معذور افرادصحت انصاف کارڈکے ذریعے پنجاب کے کسی بھی بڑے ہسپتال سے سات لاکھ بیس ہزارروپے تک کے مفت علاج معالجہ کی سہولت حاصل کرسکیں گے۔

ان کا کہنا تھا کہ پنجاب کے معذورافرادکی فہرستیں مکمل ہونے کے بعدصحت انصاف کارڈکی تقسیم کاعمل جلدشروع کردیاجائیگا۔ انہوں نے کہا کہ حکومت پنجاب نے صحت انصاف کارڈکے ذریعے مجبوراورمہنگے علاج کی استطاعت نہ رکھنے والے افرادکوریلیف دیا۔

انہوں نے یہ بھی کہا کہ سرکاری ہسپتالوں میں مریضوں کوبہترین طبی سہولیات کی فراہمی کویقینی بنانے کے لیے کام کومانیٹر کیا جا رہا ہے۔

یاد رہے کہ کچھ دن قبل وزیرصحت پنجاب ڈاکٹر یاسمین راشد نے تمام مریضوں کودوائیں فراہم کرنےسے معذرت کرتے ہوئے کہا کہ اگر سارا بجٹ بھی لگادیں تب بھی آؤٹ ڈور کے تمام مریضوں کو دوا فراہم نہیں کی جاسکتی۔

ادویات کی قیمتوں میں اضافے کے حوالے سے ڈاکٹر یاسمین راشد کا کہنا تھا کہ ’ڈالر کی قیمتیں بڑھنے اور روپے کی قدر کم ہونے کی وجہ سے ادویہ ساز کمپنیوں نے ریٹ بڑھا دیے‘۔

Comments

- Advertisement -