وفاقی وزیر منصوبہ بندی و ترقی اسدعمر نے کہا ہے کہ مظاہرین کے مسائل کا تفصیلی جائزہ اور ان کے حل کیلئے اقدامات پر بات کی ہے انشااللہ امید ہے آج یا کل گوادر میں دھرنا ختم ہو جائے گا۔
گوادر میں وفاقی وزیر زبیدہ جلال اور صوبائی وزرا کے ہمراہ میڈیا سے گفتگو کرتے ہوئے اسدعمر نے کہا کہ وعدے صرف دھرنے سے اٹھانے کیلئے نہیں کئےجا رہے وزیراعظم یقین رکھتے ہیں کہ لوگوں کو ان کا حق ملنا چاہیے۔
اسدعمر نے کہا کہ وزیراعظم کی خصوصی ہدایت پر گوادر آئے، زبیدہ جلال بھی موجودہیں وزیراعلیٰ بلوچستان اور چیف سیکریٹری سے تفصیلی بات ہوئی پانی کیلئے دو نئے ڈیم مکمل کئے جا چکے ہیں پانی پہنچایا گیا ہے۔
انہوں نے کہا کہ گوادرمیں پانی کی تقسیم کیلئے جو سسٹم ہے وہ نامکمل ہے گرمیوں تک گوادرمیں پانی کی فراہمی میں واضح بہتری نظر آئے گی، روزگار، صحت اور تعلیم کیلئے اقدامات تیز کیا جائے گا۔
وفاقی وزیر کا کہنا تھا کہ وزیراعظم عمران خان 161میں سے 149منصوبوں پر کام شروع ہوچکا ہے وزارت توانائی کی ٹیم مزید بجلی خریدنے کیلئے چین جاکر معاہدہ کرے گی معاہدوں پر کام شروع ہو چکا 100میگاواٹ 2023میں گرمیوں تک گوادرپہنچ جائیؤے گی گوادرمیں قائم ووکیشنل سینٹر کو فعال بنانے کیلئے فیصلے کئے ہیں۔
