وزیراعظم آفس نے پاکستانی ٹیم کی کارکردگی کو سراہتے ہوئے اس امید کا اظہار کیا ہے کہ ورلڈکپ ٹی ٹوئنٹی کی ٹرافی پاکستان آرہی ہے۔
ٹوئٹر پر پاکستانی ٹیم کی تصویر شیئرکرتے ہوئے وزیراعظم آفس نے پیغام میں کہا کہ پوری قوم کوٹیم پاکستان پرفخر ہے پاکستان واحدٹیم ہےجوایونٹ میں ناقابل شکست رہی۔
وزیراعظم آفس نے سیمی فائنل کیلئے بابر الیون کیلئے نیک خواہشات کا اظہار کرتے ہوئے کہا کہ انشااللہ، ٹرافی پاکستان آرہی ہے۔
Whole nation is proud of Team #Pakistan– the only team which is still invincible in #T20WorldCup 2021.
Best of luck for Semi finals Babar 11 (@babarazam258) 🏏
Insha'Allah it's coming home! #WeHaveWeWill#PAKvSCO pic.twitter.com/TYKcQ8gfc7
— Prime Minister's Office (@PakPMO) November 7, 2021
گرین شرٹس کی عالمی کپ میں کامیابیوں کا سلسلہ برقرار ہے، پاکستان نے اسکاٹ لینڈ کو باآسانی ہرا کر ٹی ٹوئنٹی ورلڈکپ کے گروپ میچ میں مسلسل پانچویں کامیابی حاصل کر لی ہے۔آج کی فتح کے بعد گرین شرٹس 10 پوائنٹس کے ساتھ گروپ میں پہلے نمبر پر آ گئی اور اب اس کا سیمی فائنل میں آسٹریلیا سے مقابلہ ہوگا۔
قومی ٹیم کے کپتان بابراعظم نے کامیابیوں کا راز بتاتے ہوئے کہا ہے کہ ہم متحد ہو کر کھیل رہے ہیں، ایک یونٹ بن کر ایک دوسرے کو سپورٹ کر رہے ہیں۔
