The news is by your side.

Advertisement

وزیراعظم عمران خان اورمہاتیرمحمدکی ون آن ون ملاقات کی اندرونی کہانی سامنے آگئی

اسلام آباد : وزیراعظم عمران خان نے ملیشین وزیراعظم مہاتیر محمد سے ملاقات میں پاک بھارت کشیدگی سےمتعلق بریف کیا، جس کے بعد مہاتیر  محمد نے کشیدگی کے خاتمے کے لیے پاکستان کے کردار کو سراہا۔

تفصیلات کے مطابق وزیراعظم عمران خان اور مہاتیرمحمدکی ون آن ون ملاقات کی اندرونی کہانی سامنے آگئی، ملاقات میں وزیراعظم عمران خان نے پاک بھارت کشیدگی سےمتعلق بریف کیا۔

وزیراعظم کا کہنا تھا خطےمیں امن چاہتےہیں، امید ہےانتخابات کے بعد پاک بھارت تعلقات میں بہتری آئےگی، پاکستان نے بھارت سے کشیدگی کے خاتمے کیلئے پر خلوص اقدامات کئے، جذبہ خیرسگالی کے تحت گرفتاربھارتی پائلٹ کوبھی رہا کیا۔

ملیشین وزیراعظم نے کشیدگی کے خاتمے کیلئے پاکستان کے کردار کو سراہتے ہوئے کہا عالمی تنازعات کا حل بات چیت کے ذریعے ہی ممکن ہے، خطےمیں امن کےلیے فریقین کو محتاط رویہ اپنانا ہوگا۔

ملاقات سے قبل ملائیشین وزیراعظم ڈاکٹرمہاتیرمحمد وزیراعظم ہاؤس پہنچے تو وزیراعظم عمران خان نے معزز مہمان کا استقبال کیا۔

مزید پڑھیں : ملیشین وزیراعظم کےاعزازمیں گارڈآف آنر پیش

ملائیشین وزیراعظم کےاعزازمیں گارڈآف آنر پیش کیاگیا، جس کے بعد مہاتیرمحمد نے گارڈآف آنرکامعائنہ کیا جبکہ وزیراعظم ہاؤس میں دونوں ممالک کےقومی ترانوں کی دھنیں بجائی گئیں۔

وزیراعظم عمران خان نےوفاقی وزرااورسرکاری حکام سےمعززمہمان کاتعارف کرایا، عمران خان کابھی ملائیشیا کے وفد سےتعارف کرایاگیا، اس موقع پر ڈاکٹر مہاتیر محمد نے وزیراعظم ہاؤس میں پودا لگایا۔

صدرمملکت عارف علوی آج ملائیشین وزیر اعظم کےاعزاز میں اعشائیہ دیں گے، صدر مملکت عارف علوی ملائیشین وزیراعظم کو “نشان پاکستان” ایوارڈ پیش کریں گے۔

یاد رہے گذشتہ روز ملائیشین وزیراعظم مہاتیر محمد تین روزہ دورے پر پاکستان پہنچے تھے ، جہاں اسلام آباد میں نور خان ایئربیس پر وزیراعظم عمران خان نے ملائیشین ہم منصب کا شانداراستقبال کیا ، انھیں اکیس توپوں کی سلامی دی گئی اور گارڈ آف آنر بھی پیش کیا گیا۔

Comments

comments

یہ بھی پڑھیں