تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

انسٹاگرام نے پہلی بار رمضان کیمرا ایفیکٹ متعارف کرادیا

کیلی فورنیا: سماجی رابطے اور فوٹو شیئرنگ کی ویب سائٹ انسٹا گرام نے صارفین کو متاثر کرنے کے لیے پہلی بار رمضان کیمرا ایفیکٹ متعارف کرادیا۔

تفصیلات کے مطابق فیس بک کی زیر ملکیت فوٹو شیئرنگ ویب سائٹ انسٹاگرام صارفین کو متاثر کرنے کے لیے نت نئے فیچرز متعارف کراتی ہے تاکہ انٹرنیٹ کی دنیا میں راج کو برقرار رکھ سکے۔

انسٹاگرام نے چند ماہ قبل اپنے فلیٹ فارم کو بہتر بنانے اور صحت مند تفریح فراہم کرنے کے لیے مختلف اقدامات کیے اور فیچرز بھی متعارف کرائے اب انسٹاگرام نے پہلی بار رمضان کیمرا ایفیکٹ فیچر متعارف کرایا ہے۔

اس مہم کے لیے انسٹاگرام نے پہلی بار رمضان کیمرا ایفیکٹ لینٹرن کے نام سے متعارف کرایا ہے تاکہ صارفین رمضان کے تجربے کو منفرد انداز سے اپنے پیاروں کے ساتھ شیئر کرسکیں۔

مزید پڑھیں: انسٹاگرام: تکنیکی غلطی کی وجہ سے نیا فیچر سامنے آگیا

 انسٹاگرام کی جانب سے جاری بیان کے مطابق اس مقدس مہینے میں کوئی اچھا کام جیسے اپنے دوست یا رشتے داروں کی پوسٹس پر مثبت کمنٹ کردینا، اپنے دوستوں اور گھر والوں کو سحری یا افطار کے موقع پر شکریہ ادا کرنا، کوئی اچھا کام کرکے اسے سوشل میڈیا پر شیئر کرنا شامل ہے تاکہ دیگر صارفین میں بھی اس طرح کے کاموں کی حوصلہ افزائی ہوسکے۔

اس لینٹرن کیمرا میں دھندلا پس منظر اور ہلال کی مختلف شکلیں عرب ڈیزائن کی ہیں اور روایتی طور پر رمضان سے ان کا تعلق سمجھا جاتا ہے۔

یہ ایفیکٹ ملٹی لیٹر ہے اور لوگ اسکرین پر کلک کرکے ہلال کے روایتی ڈیزائن کو حرکت دے سکتے ہیں جبکہ انگلش یا عربی میں رمضان کی مبارکباد تحریر کرسکتے ہیں۔

انسٹاگرام کے مطابق صارفین اس نئے کیمرا ایفیکٹ کو استعمال کرکے اپنے مواد کو منتھ آف گڈ ہیش ٹیگ کے ساتھ شیئر کرسکتے ہیں۔

Comments

- Advertisement -