انسٹاگرام نے بھی آخر کار اپنے صارفین کی ضرورت کو محسوس کرتے ہوئے فیس بک اور ٹوئٹر کے نقش قدم پر چلتے ہوئے ’ری پوسٹ‘ کے فیچر پر کام شروع کر دیا ہے۔
تفصیلات کے مطابق سوشل شیئرنگ ایپلی کیشن انسٹاگرام نے ’ری پوسٹ‘ فیچر کی آزمائش شروع کر دی ہے، ٹیکنالوجی ویب سائٹ ’ٹیک کرنچ‘ کے مطابق اس فیچر پر کئی ماہ سے کام کیا جا رہا ہے۔
کمپنی کے مطابق مذکورہ فیچر ابھی ابتدائی مراحل میں ہے اور فوری طور امریکا سمیت دیگر ممالک کے محدود صارفین کو اس تک رسائی دی گئی ہے، تاہم جلد ہی اس کی آزمائش کو بڑھایا جائے گا۔
Instagram Reposts Tab on profiles?!
What’s dis Adam? pic.twitter.com/WayWCJGBfx
— Matt Navarra (@MattNavarra) September 7, 2022
اس فیچر کے تحت انسٹاگرام صارفین دوسروں کی تصاویر اور پوسٹس کو ’ری پوسٹ‘ یا ’ری شیئر‘ کر سکیں گے، تاہم ابتدائی طور پر صارفین کی محدود پوسٹس کے لیے یہ آپشن دستیاب ہوگا۔
صارف کے پاس اختیار ہوگا کہ وہ اپنی پوسٹ کی شیئرنگ کو دوسروں کے لیے کھلا رکھے یا نہ رکھے۔
ایپ ریسرچر ایلیزانڈرو پلوزی نے مئی میں اس فیچر سے متعلق ٹوئٹر پر اسکرین شاٹس شیئر کیے تھے، جس سے پتا چلتا ہے کہ صارفین اس فیچر کو شیئر مینو میں دیکھیں گے، اور نہ صرف یہ بلکہ صارفین ری پوسٹ کرتے وقت اپنے خیالات بھی پوسٹ میں شامل کر سکیں گے۔
#Instagram keeps working on reposts 👀
ℹ️ Reposts will be saved in a separated tab on your profile pic.twitter.com/7bduidntwE
— Alessandro Paluzzi (@alex193a) May 21, 2022
خیال رہے کہ انسٹاگرام ریلز میں یہ فیچر پہلے ہی دستیاب ہے اور وہاں پر صارفین دوسروں کی ریلز کو شیئر کر سکتے ہیں۔