آئل اینڈ گیس ریگولیٹری اتھارٹی (اوگرا) نے موجودہ اور نئے گیزروں میں کونیکل بیفلز (Conical Baffle) کی تنصیب کو لازمی قرار دے دیا ہے۔

اوگرا نے توانائی بچاؤ پلان اور گیس کی قلت پر قابو پانے کے لیے یہ اقدام اٹھایا ہے۔ ترجمان نے بتایا کہ گیزروں میں کونیکل بیفلز کی تنصیب سے گیس کی یومیہ 6.4 ایم ایم سی ایف بچت کا تخمینہ ہے۔

ترجمان کے مطابق اتھارٹی نے فیصلہ جاری کر دیا، کونیکل بیفلز کی تنصیب سے بلوں میں 20 سے 25 فیصد کی بچت ہوگی، اس کی تنصیب کے لیے ڈیڈ لائن دسمبر 2023 تک مقرر ہے۔

اوگرا کا کہنا ہے کہ ملک میں تقریباً 30 لاکھ 88 ہزار صارفین گیزر استعمال کرتے ہیں، ملک میں گیس صارفین کی کُل تعداد ایک کروڑ 6 لاکھ 50 ہزار ہے، سوئی ناردرن گیس کے 74 لاکھ 50 ہزار صارفین ہیں۔