The news is by your side.

پاکستان،انگلینڈ 20 ٹوئنٹی سیریز: میچ دیکھنے جانے والے شائقین کے لیے اہم خبر

کراچی: پاکستان انگلینڈ کرکٹ میچ دیکھنے آنے والے شائقین کے لئے ہدایات جاری کردی گئیں، جس میں شناختی کارڈ ہمراہ لانا لازمی ہوگا۔

تفصیلات کے مطابق پاکستان انگلینڈ کرکٹ سیریز کے حوالے سے ترجمان سیکیورٹی ڈویژن نے بتایا ہے کہ سرشاہ سلیمان روڈ کے ایک ٹریک کے علاوہ تمام سڑکیں کھلی رہیں گی۔

ترجمان کا کہنا تھا کہ نیشنل اسٹیڈیم آنیوالوں کیلئے پارکنگ پوائنٹس بنائے گئے، پارکنگ پوائنٹس میں ایکسپوسینٹر،چائنہ گراؤنڈ،نیشنل کوچنگ سینٹر شامل ہیں۔

سیکیورٹی ڈویژن نے مزید کہا کہ پارکنگ پوائنٹس سے اسٹیڈیم تک خصوصی شٹل سے پہنچایا جائے گا تاہم شائقین کرکٹ کو شناختی کارڈاپنے ہمراہ لازمی رکھنا ہوگا۔

ترجمان نے ہدایت کی کہ شائقین انتظار سے بچنے کیلئےاسٹیڈیم میں وقت سے پہلے پہنچیں۔

سیکیورٹی ڈویژن کے مطابق اسلحہ، کھلونا بندوقیں، دھماکہ خیزمواد، پٹاخے،سگریٹ ، ماچس،لائٹر،چاقو،دھات یا لکڑی اسٹیڈیم لانے اجازت نہیں۔

ترجمان کا کہنا تھا کہ شائقین کوگراؤنڈ اور ساتھی تماشائیوں پرکوئی چیز پھینکنے کی اجازت نہیں ہوگی۔

Comments

یہ بھی پڑھیں