The news is by your side.

Advertisement

انسولین استعمال کرنے والے مریضوں کے لئے پریشان کن خبر

اسلام آباد : ادویہ ساز کمپنی نے انسولین کی قیمت 640 روپے سے بڑھا کر 890 روپے کردی، انسولین کی اچانک قیمت بڑھنے سے مریض اور ان کے لواحقین سخت پریشان ہیں۔

تفصیلات کے مطابق شوگر کے مریضوں کے لئے پریشان کن خبر آگئی ، ادویہ ساز کمپنیوں میں سے ایک کمپنی نے انسولین کی قیمت میں 250 کا اضافہ کردیا ہے, جس کے بعد اب اس کمپنی کی انسولین مارکیٹ میں640 روپے کی بجائے 890 میں مل رہی ہے۔

انسولین کی اچانک قیمت بڑھنے سے مریض اور ان کے لواحقین سخت پریشان ہیں، انہوں نے کہا ہے کہ انسولین لگانا مجبوری ہے، اس لئے خرید نا پڑتی ہے۔

طبی ماہرین کے مطابق پاکستان میں 26 فیصد لوگ شوگر میں مبتلا ہیں، انسولین نہ لگانے سے جسم کے اعضاء بری طرح متاثر ہوتے ہیں اور ہارٹ اٹیک کا خطرہ بھی بڑھ جاتا ہے۔

مریضوں اور ان کے لواحقین نے حکومت سے مطالبہ کیا ہے کہ وہ انسولین کی قیمت میں ازخود اضافہ کرنےوالوں کے خلاف سخت کارروائی کرے ورنہ یہ لوگ اپنے مالی مفاد کیلئے لوگوں کی زندگیوں سے کھیلتے رہیں گے۔

علاوہ ازیں درآمدشدہ بچوں کے دودھ کی قیمتوں میں بھی 200 سے 400 روپے تک اضافہ کردیا گیا ہے۔

Comments

یہ بھی پڑھیں