The news is by your side.

Advertisement

واٹس ایپ پر دو عورتوں‌ کی لڑائی عدالت تک پہنچ گئی

را س الخیمہ : ان دنوں اماراتی عدالت میں اپنی نوعیت کا منفرد مقدمہ زیر سماعت میں جس میں دو ساسیں سماجی رابطے کی ویب سائٹ پر ایک دوسرے کے خلاف استعمال کیے والے الفاظ پر عدالت تک پہنچی ہیں۔

تفصیلات کے مطابق یہ انوکھا کیس متحدہ عرب امارات کی ریاست راس الخیمہ کی عدالت میں زیر سماعت ہے جہاں دو ساسوں نے سماجی رابطے کی ویب سائٹ واٹس ایپ پر ایک دوسرے کے خلاف استعمال کیے جانے والے نازیبا الفاظ پر عدالت میں مقدمہ دائر کردیا ہے۔

مقامی میڈیا کے مطابق ایک خاتون نےاپنے بیٹے کی ساس کی جانب سے واٹس ایپ پر دھمکی آمیز زبان استعمال کرنے اور نازیبا الفاظ بولنےکے خلاف عدالت سے تحفظ فراہم کرنے اوراپنی سمدھن کے خلاف کارروائی کا مطالبہ کیا ہے جس پر عدالت نے مذکورہ خاتون کی سمدھن کو بھی طلب کرلیا۔

لڑکے کی ساس نے عدالت میں خود پر لگائے الزامات کی تردید کرتے ہوئے بیان دیا کہ غیر اخلاقی الفاظ اور دھمکی آمیز گفتگو کا آغاز میری بیٹی ساس نے کیا تھا اور میں نے ان کا جواب دے دیا۔

اماراتی خبر رساں ادارے کے مطابق مدعیہ علیہ کے بیان پر شکایت کنندہ نے جواب دیا کہ پہل آپ نے کی تھی جس کے بعد دونوں خواتین میں دوران سماعت کی جھگڑا شروع ہوگیا۔

میڈیا رپورٹس کے مطابق کورٹ نے دونوں خواتین کے درمیان معاملات کو حل کروانے کی کوشش کی تاہم معاملہ اپنی جگہ برقرار رہا جس پر عدالت نے مقدمے کی سماعت 15 ستمبر تک ملتوی کردی۔

Comments

comments

یہ بھی پڑھیں