The news is by your side.

Advertisement

حیدرآباد میں گیارہویں و بارہویں جماعت کے سالا نہ امتحانات کا آغاز آج سے ہوگا

حیدرآباد : ثانوی و اعلیٰ ثانوی تعلیمی بورڈ حیدرآباد کے تحت گیارہویں و بارہویں جماعت کے سالا نہ امتحانات کا آغاز آج جمعرات سے ہو رہا ہے۔

فرسٹ ائیر کا امتحان دینے والے طلبہ و طالبات کی تعداد 59980جبکہ انٹر کا امتحان دینے والے امیدواروں کی تعداد 61260ہے، مجموعی طور پر 121240طلبہ و طالبات امتحانات میں بیٹھیں گے۔

امتحانات کے لئے مجموعی طور پر دس اضلاع بشمول نواب شاہ میں 141امتحا نی مراکز قائم کیے گئے ہیں جبکہ 21ویجلینس کمیٹیز تشکیل دی گئی ہیں۔

ناظم امتحانات ڈاکٹر مسرور احمد زئی کے مطابق امتحانی مراکز میں سے 45مراکز کو حساس قرار دیا گیا ہے۔ ان میں حیدرآباد میں 8مٹیاری میں 3ٹنڈ و الہیار میں 3ٹنڈو محمد خان میں ایک جام شورو میں 5دادو میں 4ٹھٹھہ میں 5بد ین میں 3شہید بےنظیر آباد میں 10اور سجا ول میں 3مراکز حساس ہیں اس کے علا وہ بورڈ میں ایک مانیٹرنگ سیل بھی قائم کیا گیا ہے۔

انتظامی معاملات کےلئے چیئر مین بو رڈ ڈاکٹر محمد میمن اور کنٹر ولر ڈاکٹر مسرور احمد زئی نے کمشنر حیدرآباد محمد عباس بلو چ سے ملاقات کی۔

کمشنر حیدرآباد کی ہد ایات پر تمام ڈپٹی کمشنرز کو مطلع کیا گیا ہے کہ وہ اپنے اضلاع میں حفاظتی اقدامات کے ساتھ اپنے اسسٹنٹ کمشنرز کو پابند کریں کہ وہ امتحانی مراکز کا دورہ کریں، اور امتحانی مراکز میں نقل  کی روک تھام کیلئے سخت اقدامات کریں۔

Comments

comments

یہ بھی پڑھیں