کراچی : انٹر کے طلبہ کا تاحال ایڈمٹ کارڈ نہ ملنے سے مستقبل داؤ پر لگ گیا، طلبہ کا کہنا ہے کہ کئی دن سے بورڈ آفس کے چکر لگا رہے ہیں کوئی سنوائی نہیں ہورہی ہے۔
تفصیلات جے مطابق کراچی میں کالج اور انٹربورڈ کی غفلت کے باعث طلبہ کا مستقبل داؤ پر لگ گیا ، 2 بجے پرچہ تھا لیکن ایڈمیٹ کارڈ تاحال نہ مل سکے۔
انٹر کے طلبہ کا کہنا ہے کہ کئی دن سے بورڈ آفس کے چکر لگا رہے ہیں کوئی سنوائی نہیں ہورہی ہے۔
انٹربورڈ آفس میں والدین سمیت طلبہ کی انتظامیہ سے تکرار ہوئی، والدین نے کہا کہ آج بھی صبح سےبورڈ آفس میں ہیں لیکن کوئی بات سنے کو تیار نہیں۔
والدین نے انٹربورڈ آفس میں ہنگامہ آرائی کی اور اندر جانے کی کوشش کی تو سیکیورٹی گارڈ کی جانب سے انٹربورڈ آفس کےدروازے بند کردئیے گئے۔
دوسری جانب چیئرمین انٹربورڈ انوکھی منطق لے آئے اور ریگولر طلبہ کو بھی پرائیویٹ پیپر دینے کا مشورہ دے دیا۔
