The news is by your side.

Advertisement

ملکی ترقی اور سی پیک کی ناکامی کیلئےدشمن ایجنسیاں کام کررہی ہیں،احسن اقبال

لاہور: وزیر داخلہ احسن اقبال نے کہا ہے کہ پاکستان ایک پرامن اور ترقی کی راہ پر گامزن ریاست ہے، لیکن ملکی ترقی اور سی پیک کو ناکام کرنے کےلیے دشمن ایجنسیاں کام کررہی ہیں، کسی بھی قسم کے ہتھکنڈے ہمارے عزم کو متاثر نہیں کرسکتے۔

ان خیالات کا اظہار انہوں نے میڈیا سے بات چیت کرتے ہوئے کیا، احسن اقبال کا کہنا تھا کہ مغربی ممالک کچھ بھی کہیں لیکن ہمیں اپنے راستے پر چلنا ہے، دہشت گردی کو ختم کرنے کےلیے ہم درست سمت میں آگے بڑھ رہے ہیں۔ انتہا پسندوں کےخلاف جنگ امریکا یا یورپ کو خوش کرنے کے لیے، ملکی مفاد کے لیے جاری ہے۔

شریف خاندان کے خلاف انتقامی کارروائی ہورہی ہے، احسن اقبال

انہوں نے کہا کہ انتہا پسندی کی جانب راغب کرنے والی سوچ کو ختم کر رہے ہیں، تمام علماء نے کہا خود کش حملے کرنا بہت بڑا گناہ ہے، مذہبی بنیادوں پر دہشت گردی قابل قبول نہیں، پوری پاکستانی قوم ایک زبان ہو کر پرامن ہونے کا پیغام دے رہی ہے۔

احسن اقبال کا کہنا تھا کہ پاکستان کو جو داخلی وخارجی چیلنجز درپیش ہیں وہ پہلے کبھی نہ تھے، اقتدار کی منتقلی کے وقت اتحاد نہ ہو تو بڑے نقصان کا خدشہ ہوتا ہے، جس ڈگر پر ہم چل رہے ہیں اسے تبدیل کرنا ہوگا بصورت دیگر پاکستان کا وہ نقصان ہوسکتا ہے جس کا مداوا نہیں کیا جاسکتا۔

سی پیک فٹ بال کی مانند کیچ ہے، امکان نہیں ڈراپ ہو جائے، احسن اقبال

انہوں نے کہا کہ ضرورت ہے کہ تمام ادارے ہم آہنگ ہوکر کام کریں، اپنی محاذ آرائی سے دشمن کے علاوہ کوئی اور فائدہ نہیں اٹھائے گا، باہمی تضادات میں ہمیں ریڈ لائن کراس نہیں کرنی چاہیے، نیشنل ایکشن پلان پر تمام سیاسی جماعتوں نے اتفاق کیا۔

ان کا مزید کہنا تھا کہ ہمیں ایسے ایجنڈے پر متفق ہونا ہوگا جس میں ووٹر کو رددی کا ٹکڑا نہ سمجھا جائے، ووٹ کا احترام ہم سب پر فرض ہے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Print Friendly, PDF & Email

Comments

comments

یہ بھی پڑھیں