The news is by your side.

Advertisement

عوام یہ جانتے ہیں کہ ملک میں طاقتور وزیر اعظم قبول نہیں کیا جائے گا: احسن اقبال

شکر گڑھ: وفاقی وزیر داخلہ احسن اقبال نے کہا ہے کہ ادارے غلط فیصلے کر سکتے ہیں لیکن عوام نہیں، لوگ یہ جانتے ہیں کہ ملک میں طاقتور وزیر اعظم قبول نہیں کیا جائے گا۔

ان خیالات کا اظہار انہوں نے نور کوٹ میں جلسے سے خطاب کرتے ہوئے کیا، احسن اقبال کا کہنا تھا کہ ملک میں ایک چپڑاسی کو اپیل کا حق ہے جبکہ ملک کے وزیر اعظم کو اس کا حق نہیں، اگر ہم چاہتے ہیں کہ ملک ترقی کرے تو ہمیں ووٹ کو عزت دینا ہوگی۔

انہوں نے کہا کہ 2018 میں نواز شریف کے بیانیے کی جیت ہوگی، اور ایک بار پھر سے ووٹ کو عزت ملے گی، پاکستان دو لخت ہوا اسی لیے کہ یہاں جمہوریت کو چلنے نہیں دیا گیا، سی پیک، گوادر اور موٹر وے سب نواز شریف کے منصوبے ہیں۔

جنوبی پنجاب کا نعرہ لگانے والوں نے دونوں ہاتھ سے اقتدار کے مزے لوٹے، احسن اقبال

احسن اقبال کا مزید کہنا تھا کہ ماضی میں ملک سے سرمایہ کاری روٹھ گئی تھی، کوئی یہاں دس روپے لگانے کو تیار نہ تھا، مسلم لیگ کی حکومت نے دن رات محنت کی اور آج پاکستان کی ایک ابھرتی ہوئی معیشت ہے۔

جنوبی پنجاب کا نعرہ لگانے والوں نے دونوں ہاتھ سے اقتدار کے مزے لوٹے، احسن اقبال

یاد رہے کہ گذشتہ دنوں میڈیا سے گفتگو کرتے ہوئے وزیر داخلہ کا کہنا تھا کہ پاکستان دنیا کی 5 ابھرتی معیشتوں میں شامل ہورہا ہے، انتہا پسندوں نے دہشت گردی، فساد کے لیے اسلام کا نام استعمال کیا، آج کوئی جہادی تنظیم پاکستان میں آکر کام نہیں کرسکتی، ملک سے دہشت گردی کا خاتمہ ہونے سے امن بحال ہوچکا ہے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں