سیاستدانوں کو جو معلوم ہے اگر زبان کھولیں توافراتفری پھیل جائے گی: احسن اقبال: Ahsan Iqbal
The news is by your side.

Advertisement

سیاست دانوں نے اگر زبانیں کھولیں تو ملک میں افراتفری پھیل جائے گی: احسن اقبال

اسلام آباد: وفاقی وزیر داخلہ احسن اقبال نے کہا ہے کہ  چند ماہ قبل کچھ لوگ غائب ہوئے اس سے زیادہ کچھ نہیں کہنا چاہتا، سیاست دانوں کو جو معلوم ہیں اگر زبانیں کھولیں تو ملک میں افرا تفری پھیل جائے گی۔

ان خیالات کا اظہار انہوں نے میڈیا سے گفتگو کرتے ہوئے کیا، احسن اقبال کا کہنا تھا کہ ملک میں 70 سال سے جو کھیل جاری ہے اسے بند کیا جائے یہی نواز شریف کا بیانیہ ہے، یہی کھیل کھیل کر ملک کو یہاں تک پہنچا دیا گیا۔

انہوں نے کہا کہ دشمنوں کی لگائی ہوئی آگ کو اپنے ہی لوگ ایندھن دے رہے ہیں، ہماری ترقی کو روکنے کے لیے یہ کھیل کھیلا جا رہا ہے، بلوچستان میں مسلم لیگ (ن) کی حکومت کیوں تبدیل کی گئی اس سے سب واقف ہیں۔

پی ٹی آئی نے اپنے تمام سینیٹرز آصف زرداری کی جھولی میں ڈال دیے: احسن اقبال

چیئرمین سینیٹ کے انتخاب سے متعلق تبصرہ کرتے ہوئے احسن اقبال کا کہنا تھا کہ ہماری کوشش ہے چیئرمین سینیٹ جمہوریت پر یقین رکھنے والا ہو، جمہوریت کے یقین کے جذبے سے رضا ربانی کا نام دیا تھا، خوشی ہوتی اگر ان کا نام پیپلز پارٹی فائنل کر لیتی۔

مخالفین پر تنقید کرتے ہوئے انہوں نے کہا کہ اب عمران خان اور آصف زرداری بھائی بھائی ہیں، پی پی اور پی ٹی آئی نے اپنا فیصلہ کیا سب جانتے ہیں یہ کیسے ہوا، بلوچستان میں حکومت کی تبدیلی کی وجہ سے دونوں جماعتیں ایک ہیں۔

عدلیہ کو فیصلے سے پہلے سوچنا چاہیے تھا کہ سینیٹ انتخابات پر اس کا کیا اثر پڑے گا: احسن اقبال

وزیر داخلہ کا مزید کہنا تھا کہ مخالفین کی سازشیں ناکام ہوں گی، سینیٹ الیکشن میں عوام، پارلیمنٹیرئنز ہمیں کامیاب بنائیں گے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں