عدالت نوازشریف کی طرح پرویز مشرف کو بھی بلائے: احسن اقبال: Ahsan Iqbal
The news is by your side.

Advertisement

جس طرح نواز شریف کو عدالت بلایا گیا اسی طرح پرویز مشرف کو بھی بلایا جائے: احسن اقبال

اسلام آباد: وزیر داخلہ احسن اقبال نے کہا ہے کہ جمہوری قیادت کی کردار کشی کی جاتی ہے تاکہ کریڈٹ ملے جس طرح نواز شریف کو عدالت بلایا گیا اسی طرح پرویز مشرف کو بھی بلایا جائے۔

ان خیالات کا اظہار انہوں نے میڈیا سے گفتگو کرتے ہوئے کیا، احسن اقبال کا کہنا تھا کہ ماضی میں جمہویت کی گاڑی کو پٹری سے اتارنے کی کوشش کی گئی، سیاسی جھٹکوں کے باعث اسٹاک ایکس چینج میں16 ارب ڈالر کا نقصان ہوا، ہم نیشنل ایکشن پلان پر مکمل عملدرآمد کر رہے ہیں۔

عدلیہ کو فیصلے سے پہلے سوچنا چاہیے تھا کہ سینیٹ انتخابات پر اس کا کیا اثر پڑے گا: احسن اقبال

انہوں نے کہا کہ پاکستان میں شرح نمو اور سرمایہ کاری 10 سال کی بلند ترین سطح پر ہیں، پلاننگ کمیشن نے 700 ارب روپے کی بچت کی اسی دوران ایک ہزار 650 کلو میٹر موٹروے بنانے کے منصوبے شروع کیے، دو سال بعد موٹر وے کا نیٹ روک 2200 کلو میٹر تک پہنچ جائے گا۔

وزیر داخلہ نے کہا کہ سی پیک کے باقی منصوبوں پر پیش رفت جاری ہے، کئی منصوبے ابھی پائپ لائن میں ہیں، جتنی پاکستان کو چین کی ضرورت ہے اُتنی ہی چین کو پاکستان کی، لیکن سی پیک کے حوالے سے صوبوں کو لڑانے کی کوشش کی گئی۔

ہمارے خلاف فیصلوں سے (ن) لیگ کا سیاسی گراف بڑھ رہا ہے، احسن اقبال

احسن اقبال کا کہنا تھا کہ ہم نیشنل ایکشن پلان پر مکمل عمل کر رہے ہیں، پاکستان کو دوبارہ گرے لسٹ میں شامل کرنے کا جواز نہیں ہم نے تو تمام دہشت گرد گروپوں کے فنڈز بھی منجمد کر دیے ہیں، جن دہشت گردوں نے ملک کو یر غمال بنایا تھا وہ بھاگ رہے ہیں۔

ان کا مزید کہنا تھا کہ سینیٹ انتخابات ہوگئے عام انتخابات بھی بروقت ہوں گے، ماضی میں ملک کو نقصان پہنچایا گیا۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں