اسلام آباد : وزیر داخلہ محسن نقوی نے یونان کشتی حادثےاورلیبیاواقعات کی رپورٹ طلب کر لی اور کہا یونان کشتی حادثےکےاصل ملزمان کوکیفر کردارتک پہنچانا ہوگا۔
تفصیلات کے مطابق وفاقی وزیر داخلہ محسن نقوی نے یونان کشتی حادثےاورلیبیاواقعات کی رپورٹ طلب کر لی اور ڈی جی ایف آئی اےکواب تک کی کارروائی کی رپورٹ پیش کرنے کی ہدایت کردی۔
وزیرداخلہ محسن نقوی نے کہا کہ انسانی اسمگلنگ کے گھناؤنے کاروبارمیں ملوث عناصررعایت کےمستحق نہیں، یونان کشتی حادثہ انتہائی افسوسناک تھا،کئی ماؤں کی گود اجڑی۔
محسن نقوی کا کہنا تھا کہ یونان کشتی حادثےکےاصل ملزمان کوکیفر کردارتک پہنچانا ہو گا، سہانے خواب دکھا کر غیرقانونی بیرون ملک بھجوانے والوں کی جگہ جیل ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں