کراچی: وزیرد اخلہ چوہدری نثار نے آج کراچی میں اعلیٰ سطح اجلاس طلب کرلیا جس میں شہر کی امن و امان سے متعلق خراب صورتحال پر بات کی جائےگی جب کہ وزیراعلیٰ سندھ نےمنگل کو شام چار بجے اپیکس کمیٹی کا اجلاس طلب کرلیا۔
اطلاعات کے مطابق وزیر داخلہ چوہدری نثار علی آج کراچی پہنچیں گے اور طلب کردہ ایک اہم اجلاس کی صدارت کریں گے جس میں رینجرز، پولیس اور قانون نافذ کرنے والے دیگر اداروں کے افسران شرکت کریں گے۔
اجلاس امن و امان کی بگڑتی ہوئی صورتحال پرطلب کیا گیا ہے جس میں امجد صابری کے قاتلوں کی گرفتاری اور چیف جسٹس سندھ ہائی کوٹ کے بیٹے اویس شاہ کی بازیاب سے متعلق تحقیقات پر وزیر داخلہ کو بریفنگ دی جائے گی۔
ذرائع کا کہنا ہے کہ وزیراعظم کی جانب سے امجد صابری کے قاتلوں کی گرفتاری اور اویس شاہ کی بازیابی کے احکامات کے بعد چوہدری نثار نے ان معاملات کو نہایت سنجیدگی سے لیا ہے، بالخصوص اویس شاہ کی بازیابی کے معاملے پر چوہدری نثار بریفنگ لینے کے بعد سخت اقدامات کرنے کے بھی احکامات دے سکتے ہیں۔
قبل ازیں چوہدری نثارکا کہنا تھا کہ امجد صابری کے قتل اور اویس شاہ کے اغوا کا مقصد خوف پھیلانا ہے۔