The news is by your side.

Advertisement

سرحد پار سے حملہ: ‘طالبان وعدوں کے مطابق دہشتگرد کارروائیاں روکیں’

وفاقی وزیر داخلہ شیخ رشید کا کہنا ہے کہ افغان طالبان اپنے وعدوں کے مطابق دہشت گرد کارروائیاں روکیں۔

وزیر داخلہ شیخ رشید نے ضلع کرم  میں سکیورٹی فورسز پر دہشت گردوں‌ کے حملے کی شدید الفاظ میں مذمت کرتے فورسز کی شہادت پر دکھ  اور افسوس کا اظہار کیا۔

شیخ رشید نے کہا کہ سرحد پار سے دہشت گرد حملے کی مذمت کرتے ہیں، طالبان اپنے وعدوں کے مطابق دہشت گرد کارروائیاں روکیں.

انہوں نے کہا کہ فورسز کے جذبہ قربانی کو خراج تحسین پیش کرتے ہیں فورسز کی وطن کے لیے قربانیاں رائیگاں نہیں جائیں گی۔

خیال رہے کہ پاک افغان بارڈر پر دہشت گردوں نے فائرنگ کر کے سکیورٹی فورسز کے پانچ جوانوں کو شہید کردیا۔

آئی ایس پی آر کے مطابق دہشت گردوں نے ضلع کرم میں پاک افغان بارڈر پر فوجی جوانوں کو نشانہ بنایا، سکیورٹی فورسز اور دہشت گردوں کے درمیان فائرنگ کے تبادلے میں دہشت گردوں کو بھاری جانی نقصان ہوا۔

شہید ہونے والوں میں لانس نائیک عجب نور، سپاہی ضیااللہ، ناہید اقبال، سمیر اللہ اور ساجد علی شامل ہیں۔

پاکستان نے دہشت گردوں کے افغان سرزمین کے استعمال پر شدید احتجاج کیا۔

آئی ایس پی آر کا کہنا تھا کہ کہ افغان عبوری حکومت ایسی سرگرمیوں کو روکنے ک لیے اقدامات کرے، پاک فوج ملکی سرحدوں کے دفاع کے لیے پُرعزم ہے، ہمارے بہادر جوانوں کی قربانیاں ہمارے عزم کو مضبوط کرتی ہے۔

Comments

یہ بھی پڑھیں