محکمہ داخلہ پنجاب نے 8 محرم کو پاک بھارت میچ پر ہلہ گلہ کرنے پر پابندی لگادی
The news is by your side.

Advertisement

محکمہ داخلہ پنجاب نے 8 محرم کو پاک بھارت میچ پر ہلہ گلہ کرنے پر پابندی لگادی

لاہور: محکمہ داخلہ پنجاب نے 8 محرم الحرام کو ایشیا کپ کے پاک بھارت میچ پر ہلہ گلہ کرنے پر پابندی عائد کردی۔

تفصیلات کے مطابق ملک بھر میں محرم الحرام کے سلسلے میں جلوس اور تعزیوں کا سلسلہ جاری ہے جس کو مدنظر رکھتے ہوئے محکمہ داخلہ پنجاب نے پاک بھارت تاکرے کے لیے صوبے بھر میں ہلہ گلہ کرنے پر پابندی عائد کردی ہے۔

محکمہ داخلہ پنجاب کی جانب سے مراسلہ بھی جاری کردیا گیا ہے جس میں کہا گیا ہے کہ پاک بھارت میچ کے دوران بڑی اسکرین نصب کرنے پر پبھی پابندی ہوگی۔

واضح رہے کہ ایشیاء کپ کرکٹ ٹورنامنٹ کل سے دبئی میں شروع ہورہا ہے جبکہ ٹرافی کی تقریب رونمائی آج ہوگی، ایشیاء کپ میں چھ ٹیمیں مدمقابل ہوں گی۔

گروپ اے میں پاکستان، بھارت اور ہانک کانگ، گروپ بی بنگلا دیش، سری لنکا اور افغانستان پر مشتمل ہے، پاک بھارت میچ 19 ستمبر کو ہوگا۔

پاکستانی کرکٹرز ایشیا کپ کے لیے تیار ہوگئے، قومی ٹیم کی دبئی میں بھرپور پریکٹس جاری ہے، پاکستان ایونٹ میں پہلا میچ 16 ستمبر کو ہانگ کانگ کے خلاف کھیلے گا۔

Comments

comments

یہ بھی پڑھیں