The news is by your side.

Advertisement

کورونا لہر میں شدت ، ملک بھر میں سیاحت پر مکمل پابندی کا اعلان

اسلام آباد : کورونا لہر میں شدت کے پیش نظر حکومت نے ملک بھر میں سیاحت پر مکمل پابندی کا اعلان کردیا اور کہا عید کی چھٹیوں میں تمام سیاحتی مقامات، ہوٹلز، پارکس مکمل بند ہوں گے۔

تفصیلات کے مطابق این سی اوسی کی ہدایات کے پیش نظر نئی گائیڈلائنز جاری کردی گئی ، وزارت داخلہ نے نئی گائیڈ لائنز کا نوٹی فکیشن جاری کیا، جس میں کہا گیا ہے کہ اعتکاف ، شب قدر، جمعہ اورنماز عید میں ایس اوپیزپرعمل کیاجائے۔

گائیڈ لائنز میں کہا ہے کہ 8مئی سے 16مئی تک سیاحت پر مکمل پابندی عائد ہوگی اور یہ پابندی عید کی چھٹیوں میں بھی لاگو رہے گی،مری، گلیات ،سوات ، کلام ، ساحل اور ناردرن ایریاز بند رہیں گے جبکہ تمام سیاحتی مقامات، ہوٹلز، پارکس مکمل بند ہوں گے۔

وزارت داخلہ کا کہنا ہے کہ بین الاضلاعی اور بین الصوبائی ٹرانسپورٹ عیدکی چھٹیوں میں بند رہے گی جبکہ شاپنگ مالز بھی مکمل طور پر بند ہوں گے۔

گائیڈ لائنز  میں کہا گیا کہ پابندی میں گلگت بلتستان میں رہنے والوں کو واپس جانے کی اجازت ہوگی تاہم عید کےدنوں میں بلا تعطل بجلی کی فراہمی کویقینی بنایا جائے گا۔

Comments

یہ بھی پڑھیں