The news is by your side.

Advertisement

حکومت نے ایف آئی اے کو مزید بااختیار بنا دیا، نوٹی فکیشن جاری

اسلام آباد : ایف آئی اے کے اختیارات سے متعلق وزارت داخلہ نے نوٹی فکیشن جاری کردیا، ایف آئی اے کسی بھی اعلیٰ آفیسر کے خلاف انکوائری یا مقدمہ درج کرسکتی ہے۔

تفصیلات کے مطابق وزارت داخلہ نے ایف آئی اے کے اختیارات میں اضافہ کردیا جس کے مطابق ایف آئی اے کسی آفیسر کے خلاف انکوائری یا مقدمہ درج کرسکتی ہے۔

وزارت داخلہ کے جاری کردہ نوٹی فکیشن کے مطابق گریڈ 21 یا 22 تک کے آفیسر کے خلاف بھی ایف آئی اے کو کارروائی کرنے کا اختیار ہے۔

نوٹی فکیشن میں مزید کہا گیا ہے کہ ایف آئی اے کوکسی بھی اعلیٰ آفیسر کے خلاف انکوائری یا تفتیش کے لیے کسی بھی اتھارٹی سے اجازت کی ضرورت نہیں۔

ایف آئی اے انوسٹی گیشن اور انکوائری 2002ء کے قانون میں ترمیم ہوچکی ہے، نوٹی فکیشن کے مطابق ڈائریکٹر جنرل کی جانب سے کچھ عرصہ قبل پابندیاں عائد کی گئی تھیں ایف آئی اے کے اختیارات سے متعلق وفاقی شرعی عدالت اور سپریم کورٹ کے احکامات بھی موجود ہیں۔

Print Friendly, PDF & Email

Comments

comments

یہ بھی پڑھیں