The news is by your side.

کراچی: اغوا، جنسی زیادتی میں ملوث 18 اہم ملزمان کی فہرست تیار

کراچی: شہرِ قائد میں جرائم پر قابو پانے کے سلسلے میں منشیات فروشی، اغوا اور جنسی زیادتی کے واقعات میں ملوث 18 ملزمان کی فہرست تیار کر لی گئی۔

تفصیلات کے مطابق محکمۂ داخلہ نے کراچی میں جرائم پر کنٹرول کے لیے 18 ایسے ملزمان کی فہرست تیار کر لی ہے جو منشیات فروشی، اغوا اور جنسی زیادتی کے واقعات میں ملوث ہیں۔

نوجوان لڑکے اور لڑکیاں شہر کے پوش علاقوں میں کارروائیاں کرتے ہیں۔

رپورٹ

محکمۂ داخلہ کی تیار کردہ رپورٹ میں کہا گیا ہے کہ مختلف جرائم میں ملوث نوجوان لڑکے اور لڑکیاں شہر کے پوش علاقوں میں کارروائیاں کرتے ہیں۔

ذرائع کا کہنا ہے کہ محکمۂ داخلہ نے ڈی جی رینجرز میجر جنرل محمد سعید اور آئی جی پولیس ڈاکٹر سید کلیم امام کو کارروائی کے لیے خط بھی لکھ دیا ہے۔

ذرائع کا یہ بھی کہنا ہے کہ مذکورہ گروہ کے ارکان کی گرفتاری کے لیے سیکورٹی اداروں نے پوش علاقوں میں چھاپے مارنے کا آغاز کر دیا ہے۔


یہ بھی پڑھیں:  کراچی پولیس کی کارروائی، غیر اخلاقی گروپ چلانے والا کارندہ گرفتار


خیال رہے کہ ایک ہفتہ قبل سندھ پولیس نے کلفٹن کے علاقے میں کام یاب کارروائی کرتے ہوئے ایک غیر اخلاقی گروپ چلانے والا کارندہ گرفتار کیا، ملزم فیس بک پر غیر اخلاقی پیج چلا رہا تھا۔

ایس پی کلفٹن سوہائے عزیز نے پریس کانفرنس کرتے ہوئے بتایا کہ پولیس نے کارروائی کرتے ہوئے ڈرٹی نائٹس گروپ کا کارندہ گرفتار کر لیا ہے، ملزم ارسلان قمر ڈانس پارٹی کراتا تھا۔

Comments

یہ بھی پڑھیں